বিচের গুরিয়্যেগুন 11:26 - Chakma Bible

²⁶ এচ্চ্যে তিনশত্‌ বজর ধুরিনে ইস্রায়েলীয়গুনে হিষ্‌বোনত্‌ আর অরোয়র শঅ্‌র আহ্‌ তারার কায়-কুরে আদামানি আর অর্ণোন গাঙর্‌ পাড়ত্‌ বেক্‌ আদামানিত্‌ বজত্তি গুরি এত্তন্‌। সেক্কেনে তুই সিয়েনি কিত্তেই আরঅ গজক্‌ গুরি ন-নেযাচ্‌?

বিচের গুরিয়্যেগুন 11:26 ပူးပေါင်းရင်းမြစ်များ

যিরমিয় 48:19

ও অরোয়েরর আদাম্মেগুন, তুমি পধ কায়-কুরে থিয়্যেইনে চঅ। ধেই যেইয়্যে মরদ আর মিলেগুনোরে পুযোর্ গরঅ, কি ওইয়্যে?

প্রেরিত্‌ 13:19

সে পরেদি তে কনান্ রেজ্যর্ সাত্তো জাদরে ভস্ত গুরিনে তা নিজো মানুচ্চুনোরে সেই দেজ উগুরে অধিকার দিয়্যে।

দ্বি’লম্বর বিররণ 2:24

সে পরেন্দি লগেপ্রভু কোইয়্যেদে, তুমি নিগিলি যঅ আর অর্ণোন গাঙান্‌ পার্‌ ওইনে যঅ। চঅ, মুই হিষ্‌বোনোর ইমোরীয় রাজা সীহোন আর তার্‌ দেজ্‌ছান তমা আদত্‌ দি দুয়োং। তুমি তা দেজ্‌ছান গজক্ গরানা আরাম্ভ গুরিনে তারে যুদ্ধোত্‌ লামদে বাধ্য গরঅ।

দ্বি’লম্বর বিররণ 2:36

অর্ণোন কিঝিঙোর্‌ দুঝিত্‌ অরোয়র্‌ শঅর আর সে কিঝিঙো ভিদিরে আদামত্তুন্‌ আরাম্ভ গুরিনে গিলিয়দ সং এন্‌ কনঅ বোলী আদাম বা শঅর ন-রলঅ যিয়েন্‌ আমি জিদি নেযেই ন পারিই। আমা গোজেন লগেপ্রভু সিয়েনি বেক্কানি আমা আদত্‌ তুলি দিয়্যে।

দ্বি’লম্বর বিররণ 3:2

সেক্কে লগেপ্রভু মরে কলঅ, তুই তারে ন-দোরেচ্‌, কিত্যে তারে আর তার্‌ দেজ্‌ছান আহ্‌ সৈন্যগুন মুই তমা আদত্‌ তুলি দুয়োং। তুই হিষ্‌বোনত্‌ বজত্তি গুরিয়্যে ইমোরীয়গুনোর্‌ রাজা সীহোনর্‌ অবস্থা যিয়েন্‌ গোজ্যচ্‌ ইবের্‌ অবস্থায়ো সেধোক্ক্যেন গুরিবে।

দ্বি’লম্বর বিররণ 3:6

আমি সেই বেক্‌ আদাম আর শঅরানি এক্কুবারে শেজ্‌ গুরি দিয়্যেই। হিষ্‌বোনর রাজা সীহোন উগুরে আমি যেধোক্ক্যেন গোজ্যেই সেধোক্ক্যেন গুরি তারার্‌ মরদ, মিলে আর ঝি-পূঅ আর পত্তি আদাম আর শঅরানি আমি এক্কুবারে শেজ্‌ গুরি দিয়্যেই।

যিহোশূয় 11:18

যিহোশূয় ভালোক্‌ দিন ধুরিনে এ রাজাগুনো সমারে যুদ্ধো গোজ্যে।

যিহোশূয় 12:2

ইমোরীয়গুনোর্‌ রাজা সীহোনে হিষ্‌বোনত্তুন রাজাগিরি গুরিদো। অর্ণোন কিজিঙোর্‌ পারত্‌ অরোয়রত্তুন্‌, অত্তাৎ কিজিঙোর্‌ সংমোধ্যেত্তুন অম্মোনীয়গুনোর দেজর দুযি যব্বোক গাঙান সং বেক্‌ চাগালাগান্‌ তার্‌ শাজনর অধীনোত্‌ এলঅ‌। এ চাগালাগান ভিদিরে এলঅ‌ গিলিয়দর অদ্দেক্‌ ভাগ।

যিহোশূয় 12:5

হর্মোণ মুড়ো, সল্‌খা, গশূরীয় আর মাখাথীয়গুনোর দুযি সং পুরো বাশন দেজ্‌চান আর হিষ্‌বোনর রাজা সীহোনর রেজ্যর দুযি সং গিলিয়দর বাদবাগি অদ্দেক্‌ ভাক্কান্‌ তার শাজনর অধীনোত্‌ এলঅ‌।

যিহোশূয় 13:17

হিষ্‌বোন আর সংজাগায়ান ভিদিরে আদাম আর শঅ‌রানি। এ আদাম আর শঅরানি অলঅ দীবোন, বামোৎ-বাল, বৈৎ-বাল্‌-মিয়োন,

যিহোশূয় 23:1

ইস্রায়েলীয়গুনোর চেরোকিত্তে শত্রুগুনোর আঢত্তুন্‌ লগেপ্রভু তারারে জিরেন্ দেনার্‌ পরেন্দি ভালোক্‌ দিন বিদি গেলঅ‌। এ ভিদিরে যিহোশুয়র বয়স বোউত্‌ ওই যেইয়্যে, তে বুড়ো ওই যেইয়্যে।

বিচের গুরিয়্যেগুন 10:8

সেই বজরত্‌ তারা ইস্রায়েলীয়গুনোরে দুলিনে-বিযেই মারিলাক্‌। তারা যর্দনর পূগেন্দি ইমোরীয়গুনোর দেজত্‌ গিলিয়দত্‌ বজত্তিগুরিয়্যে ইস্রায়েলীয়গুনোরে আদার বজর সং দুখ্‌ লাগেয়োন।

বিচের গুরিয়্যেগুন 3:11

কনষর গুট্টি অৎনীয়েলর মরণ সং দেজত্‌ চোল্লিশ বজর সুখ-শান্দি এলঅ‌।

বিচের গুরিয়্যেগুন 3:30

সে দিনোত্‌ মোয়াব দেজ্‌চান ইস্রায়েলীয়গুনোর অধীনোত্‌ আনা অলঅ, আর আশি বজর সং দেজত্‌ সুখ-শান্দি এলঅ।

বিচের গুরিয়্যেগুন 5:31

ও লগেপ্রভু, তর্‌ শত্রুগুনে বেক্কুনে এধোক্কেন্‌ গুরিনে শেজ্‌ ওই যাদোক্‌; মাত্তর্‌ যিগুনে তরে কোচ্‌পান তারা যেনে বেলান ধোক্কেন্‌ পহ্‌র ওই উদোন্‌। ইয়েনর্ পরেন্দি দেজত্‌ চোল্লিশ বজর সং সুখ-শান্দি এলঅ।

বিচের গুরিয়্যেগুন 8:28

ইঙিরিনেই ইস্রায়েলীয়গুনে মিদিয়নীয়গুনোরে দোঙেনে রাগেলাক্‌; তারা আর মাদা তুলি ন-পারিলাক্‌। গিদিয়োনর জীংকানির বাগি চোল্লিশ বজর দেজত্‌ সুখ-শান্দি এলঅ।

বিচের গুরিয়্যেগুন 9:22

অবীমেলগে তিন বজর সং ইস্রায়েলীয়গুনোরে শাজন্ গুরিলো।