বিচের গুরিয়্যেগুন 11:24 - Chakma Bible

²⁴ তর্‌ কমোশ-দেবেদাবো তরে যিয়েন গজক্‌ গুরিবাত্তে দিয়্যে সিয়েন কি তঅ আন্দারে নেই? ঠিগ্ সেধোক্কেন্‌গুরি আমার্‌ গোজেন লগেপ্রভু আমা মুজুঙেত্তুন্‌ যিগুনোরে ধাবেই দিয়্যে আমি তারার জাগায়ানি গজক্‌ গুরি আগিই।

বিচের গুরিয়্যেগুন 11:24 ပူးပေါင်းရင်းမြစ်များ

১ রাজাবলী 11:7

যিরূশালেমর পূগেন্দি মুড়ো উগুরে তে মোয়াবর জঘন্য দেবেদা কমোশ আর অম্মোনীয়গুনোর জঘন্য দেবেদা মোলকর্‌ নাঙে পূজোর্‌ অজল জাগায়ান বানেল।

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

যিরমিয় 48:13

ইস্রায়েলর মানুচ্চুন যেবাবোত্যেগুরি বৈথেল উগুরে বিশ্বেজ্ গুরিনে লাজেয়োন সেবাবোত্যেগুরি মোয়াবেয়ো কমোশ পৌইদ্যেনে লাজত্ পুরিবো।

যিরমিয় 48:46

ও মোয়াব, অভিশাব্ পোড়োক্ তর্ ! কমোশর মানুচ্চুন ভস্ত ওই যেইয়োন; তঅ পুয়োগুনোরে দূর দেজত্ বন্দী ইজেবে নেযা ওইয়্যে আর তঅ ঝিগুনোরে বন্দী গরা ওইয়্যে।

যিরমিয় 48:7

তুই যেক্কে তঅ কাম্ আর ধন উগুরে নির্ভর গোজ্যস্ সেক্কে তরেয়ো বানিনে নেযা অবঅ, আর কমোশ তা ধর্মগুরু আর রাজার চাগরুনো সমারে বন্দী ওইনে দূরোত্ যেবঅ।

মীখা 4:5

বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

গণাণা 21:29

হায় মোয়াব! ও কমোশ দেবেদার মানুচ্চুন, তুমি ভস্ত ওই যেইয়ো। কমোশর পূঅগুনে ধেই যেইয়োন আর মিলেগুনে ইমোরীয়গুনোর রাজা সীহোনর বন্দিনী ওইয়োন।

দ্বি’লম্বর বিররণ 18:12

এদক্কানি কাম্‌ যে গরে লগেপ্রভু তারে জঘন্য বিলিনে মনে গরে। এই বেক্‌ জঘন্য কামানিত্তে তমার গোজেন লগেপ্রভু সেই বেক্‌ জাদ্‌তুনোরে তমা মুজুঙোত্তুন ধাবেই দিবো।

যিহোশূয় 21:43

লগেপ্রভু ইস্রায়েলীয়গুনোর পূরোণি মানুচ্চুনো ইদু যেদক্কানি জাগা দিবার শমক্‌ গোজ্যে সিয়েনি বেক্কানি তে তারারে দিয়্যে। ইস্রায়েলীয়গুনে সে দেজ্‌চানি গজক্ গুরি নেযেইনে সিয়েনিত্‌ বজত্তি গরা ধুরিলাক্‌।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।

বিচের গুরিয়্যেগুন 10:6

সে পরেন্দি ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই আরঅ সিয়েনি গরা ধুরিলাক্‌। তারা বাল দেবেদাগুনোরে আর অষ্টারোৎ দেবীগুনোর আহ্‌ অরামীয়, সীদোনীয়, মোয়াবীয়, অম্মোনীয় আর পলেষ্টীয়গুনোর দেব-দেবেদাগুনোরে পূজো গরা ধুরিলাক্‌। ইঙিরিনে ইস্রায়েলীয়গুনে লগেপ্রভুরে ছাড়ি গেলাক্‌ আর তারে সেবা ন-গুরিলাক্‌।

বিচের গুরিয়্যেগুন 11:23

ইস্রায়েলীয়গুনোর গোজেন লগেপ্রভু যেক্কে তার মানুচ্‌ ইস্রায়েলীয়গুনোর মুজুঙেত্তুন্‌ ইমোরীয়গুনোরে ধাবেই দিলো সেক্কে কি সিয়েন ফিরেই নেযেবার্‌ খেমতাগান্‌ তর্‌ আঘে?

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।

রূত 1:15

সেক্কে নয়মী কলঅ‌, “চাহ্, তঅ জাল্লো তা নিজো মানুচ্চুনো ইদু আর তা দেবেদাগুনো ইদু ফিরি যার্‌। তুইয়ো তা লগে যাহ্‌।”