বিচের গুরিয়্যেগুন 11:18 - Chakma Bible

¹⁸ সে পরেন্দি তারা ধূল্যে-চর চাগালার ভিদিরেন্দি যেইনে ইদোম আর মোয়াব দেজ্‌চান ঘুরিনে মোয়াব দেজর পূগেন্দি যেইনে অর্ণোন গাঙর্‌ উই পারন্দি তাম্বুলান ফেলেয়োন। তারা মোয়াব দেজত্‌ ন-চমন্‌, কিয়া অর্ণোন গাঙান্‌ এলদে মোয়াব দেজর ধুজি।

বিচের গুরিয়্যেগুন 11:18 ပူးပေါင်းရင်းမြစ်များ

গণাণা 20:22

ইয়েনর্ পরেদি ইস্রায়েলীয়গুনে কাদেশত্তুন্‌ আদা মারিনে হোর মুড়োবো ইদু যেইনে লুমিলাক্।

গণাণা 22:36

বিলিয়মর এজানার্‌ কধা শুনিনে বালাকে তারে আগ্‌বারেই নিবাত্তে অর্ণোন গাঙর্‌ পাড়ত্‌ মোয়াবীয়গুনোর শঅরত্‌ গেলঅ। এই শঅরান্‌ এলদে তার্‌ রেজ্যর্‌ শেজ দুঝিত্‌।

দ্বি’লম্বর বিররণ 2:24

সে পরেন্দি লগেপ্রভু কোইয়্যেদে, তুমি নিগিলি যঅ আর অর্ণোন গাঙান্‌ পার্‌ ওইনে যঅ। চঅ, মুই হিষ্‌বোনোর ইমোরীয় রাজা সীহোন আর তার্‌ দেজ্‌ছান তমা আদত্‌ দি দুয়োং। তুমি তা দেজ্‌ছান গজক্ গরানা আরাম্ভ গুরিনে তারে যুদ্ধোত্‌ লামদে বাধ্য গরঅ।

দ্বি’লম্বর বিররণ 2:9

সে পরেন্দি লগেপ্রভু মরে কলদে, ‘তুমি মোয়াবীয়গুনোরে তোস্যে ন লাগেয়ো বা যুদ্ধোর্‌ উচ্চোমি ন দুয়ো, কিত্যে তারার্‌ দেজর্‌ কনঅ ভাগই মুই তমারে ন দিম্‌। মুই সোম্বোত্তি ইজেবে আর্‌ শঅরান্‌ লোটোর বংশধরুনোরে দুয়োং।’”