বিচের গুরিয়্যেগুন 11:13 - Chakma Bible

¹³ অম্মোনীয় রাজা যিপ্তহর পাদেয়্যে মানুচ্চুনোরে কলঅ, “ইস্রায়েলীয়গুনে মিসর দেজত্তুন্‌ নিগিলি এইনে যর্দন গাঙর্‌ পাড়্‌ ধুরিনে অর্ণোন গাঙত্তুন যব্বোক গাঙ্‌ সং মর্‌ বেক্‌ জাগায়ান গজক্‌ গুরি নেযেয়োন। ইক্কিনে গমেডালে সিয়েনি ফিরেই দে।”

বিচের গুরিয়্যেগুন 11:13 ပူးပေါင်းရင်းမြစ်များ

পত্থম 32:22

সেই রেদোত্‌ যাকোবে উদিনে তার্‌ দ্বিবে মোক্, দ্বিবে চাগরানী আর এগারবো পুয়োরে আঢি আঢি পার্‌ উয়ো যায়্‌ এবাবোত্ত্যে এক্কান্‌ জাগাইন্দি যব্বোক গাঙ উইপারত্‌ থোই এলগোই।

গম্ উপদেজ্ 19:5

মিজে সাক্ষিগুনে সাজা পেবাক্কে পেবাক্; যে সাক্ষিবো মিজে কধা কয় তে রেহাই ন-পেবঅ।

গম্ উপদেজ্ 19:9

মিজে সাক্ষিবলা সাজা পেবাক্কে পেবাক্; যে সাক্ষিবো মিজে কধা কয় তে ভস্ত অবঅ।

দ্বি’লম্বর বিররণ 2:37

বানা অম্মোনীয়গুনোর্‌ জাগানি, যব্বোক গাঙর্‌ দুঝির্‌ জাগানি, মুড়োবো ভিদিরে জাগানি আর অন্য যেদক্কানি জাগাত্‌ যেবাত্তে তে মানা গোজ্যে, সে বেক্‌ জাগানিত্‌ তুমি ন-যঅ

দ্বি’লম্বর বিররণ 3:16

মাত্তর্‌ গিলিয়দত্তুন্‌ অর্ণোন কিঝিঙো সং মোধ্যে দুঝির চিহ্নোগান সং বেক্‌ জাগাগান্‌ আর সিয়েনত্তুন্‌ অম্মোনীয়গুনোর্‌ দুঝি যব্বোক গাঙান্‌ সং মুই রূবেণ আর গাদ-গুট্টির মানুচ্চুনোরে দিলুং।

বিচের গুরিয়্যেগুন 11:12

ইয়েনর্ পরেন্দি যিপ্তহ মানুচ্‌ পাদেইনে অম্মোনীয় রাজাবোরে এ কধাগান পুযোর্‌ গুরিলো, “তল্লোই মর্ এন্‌ কি ওইয়্যেদে যিয়েনত্তে তুই মর্‌ দেজ্‌চানরে আক্রমণ গুরিবাত্তে এচ্ছোস্‌?”

বিচের গুরিয়্যেগুন 11:14

অম্মোনীয় রাজাবো ইদু যিপ্তহ আরঅ মানুচ্‌ পাদেইনে এই কধাগান কলঅ, “যিপ্তহ কোইয়্যেদে, ইস্রায়েলীয়গুনে মোয়াব বা অম্মোনীয়গুনোর দেজ্‌চান গজক্‌ ন-গরন্‌।