বিচের গুরিয়্যেগুন 11:10 - Chakma Bible

¹⁰ গিলিয়দর বুড়ো নেতাগুনে জোবত্‌ কলাক্‌, “লগেপ্রভু আমার সাক্ষী রলঅ্, তুই যিয়েনি কলে আমি সিয়েনি গুরিবোং।”

বিচের গুরিয়্যেগুন 11:10 ပူးပေါင်းရင်းမြစ်များ

পত্থম 16:5

সেক্কে সারী অব্রামরে কলঅ, “মঅ উগুরে তার এ কামানিত্তে আজলে তুয়ই দায়ী। মর্‌ এ চাগরানীবোরে মুই তঅ বিচ্ছোনত্‌ তুলি দুয়োং, মাত্তর্‌ ইক্কিনে পিদিলী ওইয়্যে হবর্‌ পেইনে তে মরে ইংসে গরা আরাম্ভ গুরিলো। সালে তর্‌ আর মঅ ভিদিরে কন্না দুষী সিয়েন্‌ ইক্কিনে লগেপ্রভু বিচের গোরোক্‌।”

পত্থম 21:23

সেনত্তে গোজেন নাঙে তুই ইক্কিনে মইধু এ শমত্‌তান্‌ গর্‌, মঅ লগে বা মঅ পুয়োগুনোর্ লগে, মঅ বংশধরুনোর্‌ কারর লগে তুই কনঅ ছলনার কাম্‌ ন গুরিবে। মুই যে বাবোত্যে গুরি তঅ লগে বিশ্বেজ্ গুরিনে বেবহার গোজ্যং, ঠিগ্ সেবাবোত্যে গুরি তুয়ো মঅ লগে আর যে দেজত্‌ তুই্‌ বিদেশী ওইনে বজত্তি গরর্‌ সে দেজ মানুচ্চুনো লগে গমেডালে বেবহার গুরিবে।”

পত্থম 31:50

যুদি তুমি মঅ ঝিগুনদোই বজং বেবহার্‌ গরঅ, বা মর্‌ ঝিগুন্‌ থানা অবস্থায়ো অন্য মিলেরে লঅ, সালে আর কনজন আমালগে ন থেলেয়ো মনত্‌ রাগেয়ো, গোজেনই আমার্‌ সাক্ষী ওই থেলঅ।”

পত্থম 31:53

সিয়েন্‌ গুরিলে অব্রাহামর গোজেন আর নাহোরর্‌ আর তারা বাবর্‌ দেবদাগুনে যেন আমারে বিচের গরন।” মাত্তর্‌ যাকোবে তা নাঙে শমত্‌ খেলঅ যিবে তার বাপ্‌‌‌‌পো ইস্‌হাকর ভোত্তির্ মানুচ্ এলঅ।

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

যিরমিয় 42:5

সেক্কে তারা যিরমিয়রে কলাক্, “তমা গোজেন লগেপ্রভু আমারে যিয়েন কবাত্তে তরে পাদেব সেবাবোত্যে যুনি আমি বেক্কানি ন-গুরিই সালে আমা বিরুদ্ধে লগেপ্রভু যেন এক্কো ঘেচ্চেকগুরি বিশ্বেজর্ সাক্ষী অয়।

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

দ্বি’লম্বর বিররণ 1:16

এই বেক্‌ বিচের গুরিয়্যেগুনোরে সেক্কে মুই কোইয়োং, তুমি কোল্‌-কোজ্যে বাজেবার্‌ সলাবোত্‌ দ্বিতপ্পের্‌ কধানি শুনিনে গমেডালে বিচের্‌ গুরিবা-সেই কোল্‌-কোজ্যেনি ইস্রায়েলীয় ভেইয়ুনো ভিদিরে ওক্‌ বা ইস্রায়েলীয় আর অন্য জাদর্‌ মানুচ্চুনো ভিদিরে ওক্‌।

বিচের গুরিয়্যেগুন 11:9

জোবত্‌ যিপ্তহ কলঅ, “আচ্ছা, অম্মোনীয়গুনোর বিরুদ্ধে যুদ্ধো গুরিবাত্তে তুমি মরে ফিরেই নেযেলা আর লগেপ্রভুয়ো মঅ আঢত্‌ তারারে তুলি দিলো; সালে সেক্কে কি হামাক্কাই মুই তমার্‌ শাজন্‌গুরিয়্যে ওম্‌?”

১ শমূয়েল 12:5

শমূয়েলে তারারে কলদে, “এচ্চ্যে লগেপ্রভু সাক্ষী আর তার অভিষেগ গোজ্যে মানুচ্চোয়ো সাক্ষী, তুমি মত্তুন্‌ তমার কনঅ জিনিস ন-পঅ।” সেক্কে মানুচ্চুনে কলাক্, “তে সাক্ষী।”

১ শমূয়েল 24:12

লগেপ্রভুই যেনে মর্‌ আর তর্‌ বিচের্‌ গরে আর মঅ উগুরে তুই যে অন্যেয় গোজ্যচ্‌ সিয়েনর ফল দে; তো মুই তঅ বিরুদ্ধে আঢ্ ন-তুলিম।