বিচের গুরিয়্যেগুন 10:11 - Chakma Bible

¹¹ জোবত্‌ লগেপ্রভু ইস্রায়েলীয়গুনোরে কলঅ, “মিসরীয়, ইমোরীয়, অম্মোনীয় আর পলেষ্টীয়গুনোর আঢত্তুন্ মুই কি তমারে উদ্ধোর ন-গরং?

বিচের গুরিয়্যেগুন 10:11 ပူးပေါင်းရင်းမြစ်များ

যাত্রা 14:30

লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

গণাণা 21:35

সেক্কে তারা ওগরে আর তার্‌ পূঅগুনোরে আর তার বেক্‌ সৈন্য-সামন্তগুনোরে মারে ফেলেলাক্‌। বেগ শেজত্‌ তার্‌ আর কনজনে বাঁজি ন-থেলাক্। তারা তার্‌ দেজ্‌ছানঅ গজক্ গুরি নিলাক।

ইব্রীয় 11:29

বিশ্বেজ্ গুরিনে ইস্রায়েলীয়গুনে শুগুনো মাদি উগুরেদি আঢি যাইদ্যে ধোক্ক্যেন গুরিনে লোহিত সাগরান্ পার্ ওইয়োন মাত্তর্ মিসরীয়গুনে সিয়েন গুরিবাত্যে যেইনে ডুবিনে মুরিলাক্।

বিচের গুরিয়্যেগুন 2:12

তারার্‌ পূরোণি বুড়ো-বুড়িগুনোর্‌ গোজেন লগেপ্রভু, যিবে তারারে মিসর দেজত্তুন্‌ নিগিলেই আন্যে তারে তারা বার বার ছাড়ি যেদাক্‌। তারা তারার্‌ চেরোকিত্তে জাদ্‌তুনো ইদু নানান্‌ বাবোত্যে দেব-দেবেদার ইন্দি মন দিদাক্‌ আর সিগুনোরে পূজো গুরিদাক্‌, আর সেক্কে তারা লগেপ্রভুরে রাগ্‌ তুলি দিদাক্‌।

বিচের গুরিয়্যেগুন 3:28

কিত্যে তে তারারে উগুম দিয়্যে, “মঅ পিজে পিজে এজঅ; লগেপ্রভু তমা শত্রু মোয়াবীয়গুনোরে তমা আঢত্‌ তুলি দিয়্যে।” সেনত্তেই তারা তার্‌ পিজে পিজে লামি যেইনে মোয়াবর কায়কুরে যর্দন গাঙর্‌ যে জাগানত্‌ আঢিনে পার্‌ ওয়া যায় সিয়েনি গজক্‌ গুরি নিলাক্‌। তারা কাররে সেই জাগায়ান ইন্দি পার্‌ অবাত্তে ন-দিলাক্‌।

বিচের গুরিয়্যেগুন 3:31

এহূদর পরেন্দি অনাতর পূঅ শম্‌গরে শাজন্‌গুরিয়্যে অলঅ। তে গোরু চোরেইয়্যে লুদিক্কোই পলেষ্টীয়গুনোরে ছয়শঅ মান্‌জ্যরে মারে ফেলেয়োন্‌। তেইয়ো ইস্রায়েলীয়গুনোরে রোক্ষ্যে গুরিলো।

১ শমূয়েল 12:8

যাকোবে মিসর দেজত্‌ গেলঅ, আর পরেন্দি যেক্কে তমার পুরোণি মানুচ্চুনে লগেপ্রভুর ইদু কানাকুদি গুরিলাক্ সেক্কে লগেপ্রভু মোশি আর হারোণরে পাধেই দিলো। তারা মিসর দেজত্তুন্‌ তমার পুরোণি মানুচ্চুনোরে নিগিলেই আনিলাক্ আর এই দেজত্‌ তারারে বজত্তি গুরিবার বেবস্থা গুরিলো।