বিচের গুরিয়্যেগুন 1:34 - Chakma Bible

³⁴ ইমোরীয়গুনে দান-গুট্টির মানুচ্চুনোরে মুড়ো-মুড়ি চাগালাত্‌‌ আক্‌সোই রাগেলাক্‌; সংজাগাত্‌ তারারে লামিবাত্তেই ন-দিলাক্‌।

বিচের গুরিয়্যেগুন 1:34 ပူးပေါင်းရင်းမြစ်များ

যিহোশূয় 19:47

দান-গুট্টি তারার্‌ ভাগঅ জাগায়ানি বেক্কানি গজগত্ ন-নেযান্‌ বিলিনে তারার্‌ পক্ষেদি জাগায়ানি চিগোন্‌ ওইয়্যে। সেনত্তেই তারা লেশম শঅরান্‌ আক্রমণ গুরিনে সে জাগার্‌ মানুচ্চুনোরে ওদেই দিলো আর বেক্কুনোরে মারে ফেলেইনে সিয়েন গজক্ গুরিলাক্‌। তারা লেশমত্ বজত্তি গরা ধুরিলাক্‌ আর তারার্‌ পূরোণি মানুচ্চুনোর নাঙানি অনুসারে সে জাগায়ানর নাঙান্‌ রাগেলাক্‌ “দান।”

বিচের গুরিয়্যেগুন 1:33

নপ্তালি-গুট্টির মানুচ্চুনেয়ো বৈৎ-শেমশ আর বৈৎ-অনাতর মানুচ্চুনোরে ধাবেই ন-দুয়োন; তারা সে জাগার কনানীয় মানুচ্চুনো সমারে বজত্তি গরা ধোজ্যন্‌ আর তারার চাগর্‌ অবাত্তে বাধ্য গুরিলাক্‌।

বিচের গুরিয়্যেগুন 1:35

ইমোরীয়গুনে হেরস মুড়ো, অয়ালোন আর শাল্‌বীমোত্‌ থেবাক্‌ বিলিনেই ঠিগ্‌ গুরিলাক্‌; মাত্তর্‌‌ যোষেফর বংশর মানুচ্চুনোর বল্‌ যেক্কে বাড়িলো সেক্কে তারা ইমোরীয়গুনোরে চাগর অবাত্তে বাধ্য গুরিলাক্‌।

বিচের গুরিয়্যেগুন 18:1

সেই সময়োত্‌ ইস্রায়েলীয়গুনো ভিদিরে কনঅ রাজা ন-এলঅ। ইস্রায়েলীয় গুট্টিগুনো ভিদিরে দান-গুট্টির মানুচ্চুনে সেক্কেয়ো কনঅ সোম্বোত্তি গজক্‌ গুরি নি ন-পারন্‌। সেনত্তেই তারা বজত্তি গুরিবার আজাই নিজোত্তে এক্কান জাগা তগাদন্‌।