বিচের গুরিয়্যেগুন 1:27 - Chakma Bible

²⁷ মনঃশি-গুট্টির মানুচ্চুনে বৈৎ-শান, তানক, দোর, যিব্লিয়ম আর মগিদ্দো শঅরর আর সিয়েনর চেরোকিত্তে আদাম্মেগুনোরে ধাবেই দি ন-পারন্‌, কিত্যে এ জাগায়ানর কনানীয়গুনে ঠিগ্‌ গোজ্যন্‌দে, তারা সে দেজ্‌চান ছাড়িনে ন-যেবাক্‌।

বিচের গুরিয়্যেগুন 1:27 ပူးပေါင်းရင်းမြစ်များ

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ রাজাবলী 9:27

যিয়েন্‌ ঘুদি যেইয়্যে সিয়েন্‌ দেগিনে যিহূদার রাজা অহসিয় বৈৎ-হাগ্‌গানর পথ্‌তানন্দি ধেই গেলঅ। যেহূ তা পিজেন্দি লোড়াদে লোড়াদে রঅ ছাড়িনে কলঅ, “তারেয়ো মারে ফেলঅ।” সেক্কে মানুচ্চুনে যিব্‌লিয়মর কায়কুরে গূর নাঙে উদিবার্‌ পথ্‌তানত্‌ অহসিয়রে তার রথ্‌তান ভিদিরে মারিলাক্‌, মাত্তর্‌ তে মগিদ্দোত ধেই গেলঅ আর সিদু মুরি গেলঅ।

যাত্রা 23:32

তারা সমারে বা তারা দেবেদাগুনো সমারে কনঅ‌ চুক্তি ন-গুরিবা।

যিরমিয় 48:10

লগেপ্রভু কোইয়্যেদে, মঅ কামত্ যে মানুচ্চো আলেয়্যে গরে তা উগুরে অভিশাব্ পোড়োক্। যে তার তলোয়ারানরে লো জোড়েবাত্তে ন-দে তা উগুরে অভিশাব্ পোড়োক্।

দ্বি’লম্বর বিররণ 7:2

তে যেক্কে তারারে তমা আঢর্‌ মুদোত্‌ আনি দিবো আর তুমি তারারে অদেই দিবা সেক্কে তুমি তারারে এক্কুবারে ভস্ত গুরি ফেলেবা। তুমি তারা সমারে কনঅ চুক্তি ন-গুরিবা আর তারা উগুরে কনঅ মেইয়্যে ন-দেগেবা।

যিহোশূয় 21:25

মনঃশি-গুট্টির অদ্দেক্‌ মান্‌জ্যর্‌ জাগানত্তুন্‌ তানক আর গাৎ-রিম্মোণ নাঙে দ্বিয়েন আদাম আর সিয়েনি লগে য়েমান চোড়েবার খলা তারারে দিয়্যে অলঅ।

বিচের গুরিয়্যেগুন 1:1

যিহোশূয়র মরাণার পরেন্দি ইস্রায়েলীয়গুনে লগেপ্রভুরে পূযোর্‌ গুরিলাক্‌, “আমা পক্ষেন্দি কনানীয়গুনো সমার যুদ্ধো গুরিবাত্তে পত্তমে কন্না যেবঅ‌।”

বিচের গুরিয়্যেগুন 1:21

মাত্তর্‌‌ বিন্যামীন-গুট্টির মানুচ্চুনে যিরূশালেমত্‌ বজত্তিগুরিয়্যে যিবূষীয়গুনোর জাগানি গজক্‌ ন-গরন্‌। বিন্যামীন-গুট্টি সমারে যিবূষীয়গুনে এজঅ সং আদাম বানি আগন্‌।

বিচের গুরিয়্যেগুন 1:26

ইয়েনর্ পরেন্দি সে মানুচ্চো হিত্তীয়গুনোর দেজত্‌ যেইনে এক্কান শঅর বানেল আর সিয়েনর নাঙান্‌ দিলো লূস। এজঅ‌ শঅ‌রানর সেই নাঙান্‌ আঘে।

বিচের গুরিয়্যেগুন 1:28

ইস্রায়েলীয়গুনে যেক্কেনে খেমতাবলা ওই উদিলাক সেক্কে তারা সেই বেক্‌ মানুচ্চুনোরে তারার্‌ চাগর্‌ অবাত্তে বাধ্য গুরিলাক্‌ মাত্তর্‌‌ তারারে এক্কুবারে ধাবেই ন-দিলাক্‌।

বিচের গুরিয়্যেগুন 5:19

রাজাগুনে, কনানর রাজাগুনে এইনে যুদ্ধো গুরিলাক্‌; মগিদ্দোর পানির কায়-কুরে তানকত্‌ তারা যুদ্ধো গুরিলাক্‌, মাত্তর্‌ কনঅ্‌ রূবো তারা লুদেইনে নি ন-পারিলাক্‌।

১ শমূয়েল 15:9

মাত্তর্‌ শৌল আর তার সৈন্যগুনে অগাগরে বাঁজেই রাগেলাক্ আর অমালেকীয়গুনোর গম্‌ গম্‌ গোরুগুন, ভেড়াছাগলুন, পক্তা-মক্তা গোরুছঅগুন আর ভেড়াছাগল ছঅগুন, এক কধায় তারার যিয়েনি গম্‌ এলঅ সিয়েনি তারা বাঁজেই রাগেলাক্। সিয়েনিরে ভস্ত গুরি দেদে তারা রাজী ন-অলাক্, মাত্তর্‌ অকেজো আর পিড়েদোজ্যেগুনোরে তারা এক্কুবারে শেজ্‌ গুরি দিলাক্।

১ শমূয়েল 31:10

সে পরেন্দি তারা শৌলর অাত্যেরানি নেযেইনে অষ্টারোৎ দেবীর মন্দিরোৎ রাগেলাক্‌ আর তার কিয়্যেগান বৈৎ-শান শঅরর্‌ দেবালত্‌ টাঙেই দিলাক্।