বিচের গুরিয়্যেগুন 1:21 - Chakma Bible

²¹ মাত্তর্‌‌ বিন্যামীন-গুট্টির মানুচ্চুনে যিরূশালেমত্‌ বজত্তিগুরিয়্যে যিবূষীয়গুনোর জাগানি গজক্‌ ন-গরন্‌। বিন্যামীন-গুট্টি সমারে যিবূষীয়গুনে এজঅ সং আদাম বানি আগন্‌।

বিচের গুরিয়্যেগুন 1:21 ပူးပေါင်းရင်းမြစ်များ

১ বংশধর 11:4

পরেন্দি দায়ূদে আর বেক্‌ ইস্রায়েলীয়গুনে যিরূশালেমত্‌, অত্তাৎ যিবূষোত্‌ গেলাক্‌। যিবূষীয়গুনে সিদু বজত্তি গুরিদাক্‌।

১ বংশধর 8:28

ইগুনে বেক্কুনে এলাক্‌ নিজোর্‌ নিজোর্‌ বংশর্ নেতা আর বংশগুনো-নাঙানি মজিম ইগুনে পত্তিজনে এলাক্‌ আজল্‌ মানুচ্‌। ইগুনে যিরূশালেমত্‌ বজত্তি গুরিদাক্‌।

২ বংশধর 8:8

যিগুনোরে ইস্রায়েলীয়গুনে ভস্ত ন-গরন্‌ শলোমনে তারারে চাগর্‌ ইজেবে কাম্‌ গুরিবাত্তে বাধ্য গোজ্যে। তারা এজঅ সং সে কামানি গত্তন্‌।

গীতসংহিতা 106:34

গোজেন উগুমোর্ অবাধ্য ওইনে তারা অন্য জাদর্ মানুচ্চুনোরে শেজ্ ন-গুরিলাক্,

যিহোশূয় 15:63

মাত্তর্‌ যিহূদা-গুট্টিবো যিবূষীয়গুনোরে ধাবেই দি ন-পারন্‌। যিবূশীয়গুনে এলাক্‌ যিরূশালেমর আদাম্মে। যিহূদা-গুট্টির মানুচ্চুনোর্‌ লগে যিবূশীয়গুনে এজঅ‌ সিয়েনত্‌ বজত্তি গত্তন্‌।

বিচের গুরিয়্যেগুন 1:22

যোষেফর গুট্টিগুনে বৈথেল শঅরান্‌ আক্রমণ গুরিবাত্তে গেলাক্‌। লগেপ্রভু তারা সমারে এলঅ‌।

বিচের গুরিয়্যেগুন 1:27

মনঃশি-গুট্টির মানুচ্চুনে বৈৎ-শান, তানক, দোর, যিব্লিয়ম আর মগিদ্দো শঅরর আর সিয়েনর চেরোকিত্তে আদাম্মেগুনোরে ধাবেই দি ন-পারন্‌, কিত্যে এ জাগায়ানর কনানীয়গুনে ঠিগ্‌ গোজ্যন্‌দে, তারা সে দেজ্‌চান ছাড়িনে ন-যেবাক্‌।

বিচের গুরিয়্যেগুন 1:8

যিহূদা-গুট্টির মানুচ্চুনে যিরূশালেমান্‌ আক্রমণ গুরিনে সিয়েন কারি নেযেলাক্‌। তারা শঅ‌রর্‌ মানুচ্চুনোরে মারে ফেলেইনে শঅ‌রানত্‌ আগুন বাজেই দিলাক্‌।