বিচের গুরিয়্যেগুন 1:18 - Chakma Bible

¹⁸ যিহূদা-গুট্টির মানুচ্চুনে গাজা, অস্কিলোন আর ইক্রোণ শঅর আর সিয়েনির কায়-কুরে জাগানি গজক্‌ গুরি নেযেলাক্‌।

বিচের গুরিয়্যেগুন 1:18 ပူးပေါင်းရင်းမြစ်များ

১ রাজাবলী 4:24

শলোমনে ইউফ্রেটিস গাঙর্‌ পোজিমেন্দি বেক্‌ রেজ্যগানি, অত্তাৎ তিপ্‌সহত্তুন্‌ গাজা সং রাজাগিরি গুরিদো আর তা রেজ্যগানির বেক্‌ জাগানিত্‌ সুখ্‌-শান্দি এলঅ।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যিরমিয় 25:20

সিদুগোর্ বেক বিদেশীগুনোরে; ঊষ দেজর্ বেক রাজাগুনোরে; পলেষ্টীয়গুনোর বেক রাজাগুনোরে, অত্তাৎ অস্কিলোন, গাজা, ইক্রোণ আর অস্‌দোদর বাদবাগি ভাগ্‌কানর রাজাগুনোরে;‌‌‌‌‌

যিরমিয় 47:5

গাজা আবিলেচ্ গুরিনে তা মাঢাবো মুড়েব; অস্কিলোনরে ভস্ত গরা অবঅ। ও কলগর্ বাদবাগি মানুচ্চুন, আর কয়দিন তুমি নিজো কিয়্যেনি কাবিবা?

দ্বি’লম্বর বিররণ 2:23

ক্রীটত্তুন ক্রীটীয়গুনে এইনে অব্বীয়গুনোরে শেজ্ গুরি দিইনে তারার্‌ জাগানিত্‌ বজত্তি গোজ্যন। অব্বীয়গুনে সেক্কে গাজা সং বেক্‌ আদামানিত্‌ বজত্তি গুরিদাক্।

যিহোশূয় 11:22

ইস্রায়েলীয়গুনোর্‌ দেজঅ‌ ভিদিরে কনঅ অনাকীয় আর্‌ বাঁজি ন-রলাক্‌; বানা গাজা, গাৎ আর অস্‌দোদত্‌ কয়েক্কো অনাকীয় বাঁজি রলাক্‌।

যিহোশূয় 15:11

সে পরেন্দি সে দুযির চিহ্নোগান ইক্রোণর উত্তোরেন্দি কামা জাগানত্‌ যেইনে শিক্করোণর ইন্দি ঘুরিনে সোজা বালা মুড়োবোত্‌ গেলঅ‌ আর যব্‌নিয়েলত্‌ লুমিনে ভূমধ্য সাগরত্‌ যেইনে থুম্‌ অলঅ‌।

বিচের গুরিয়্যেগুন 14:19

ইয়েনর্ পরেন্দি লগেপ্রভুর আত্মাগান পুরো বলান্দোই শিম্‌শোনর উগুরে এলঅ। তে অস্কিলোনত্‌ যেইনে সে জাগার তিরিশজন মান্‌জ্যরে মারে ফেলেনে তারার্‌ বেক্কানি লুদেই নেযেল আর তারার কাবড়-চুগোড়ানি লোইনে যিগুনে তা ভানাগানর জোব্‌পান দুয়োন তারারে দিলো। সে পরেন্দি তে রাগে ফুলি উদিনে তা বাবঅ্‌ ঘরত্‌ গেলঅ।

বিচের গুরিয়্যেগুন 16:21

সেক্কে পলেষ্টীয়গুনে তারে ধুরিনে চোখ দ্বিবে খুয়োই দিলাক্‌ আর তারে গাজাত্‌ নেযেলাক্‌। তারা তারে পিদলর শিগোললোই বানিলাক্‌ আর আজদত্‌ তারে দিইনে চড়্‌গা কল ঘুরোনি কামত্‌ লাগেলাক্‌।

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।

১ শমূয়েল 6:17

লগেপ্রভুর নাঙে দুষ-স্বীগের্ ইজেবে পলেষ্টীয়গুনোর যেদক্কানি শঅরর্‌ পক্ষত্তুন এক্কো গুরি সনার টিউমার পাদেয়োন সিয়েনি অলঅ অস্‌দোদ, গাজা, অস্কিলোন, গাত আর ইক্রোণ।