বিচের গুরিয়্যেগুন 1:10 - Chakma Bible

¹⁰ হিব্রোণর আদাম্মে কনানীয়গুনোর বিরুদ্ধে উজেই যেইনে তারা শেশয়, অহীমান আরঅ তল্‌ময়রে ওদেই দিলাক্‌। হিব্রোণর আগর্‌ নাঙান্‌ এলদে কিরিয়ৎ-অর্ব।

বিচের গুরিয়্যেগুন 1:10 ပူးပေါင်းရင်းမြစ်များ

পত্থম 37:14

ইস্রায়েলে তারে আরঅ কলঅ, “তঅ ভেইয়ুনে আর ছাগল-ভেড়াগুন কি অবস্থাই আগন্‌ তুই যেইনে সে হবরান্‌ আন।” ইয়েন্‌ কোইনে তে যোষেফরে হিব্রোণ কিঝিঙোত্তুন্‌ পাদেল। যোষেফে যেক্কে শিখিমোত্‌ যেইনে লুমিলোগোই সেক্কে এক্কো মানুচ্‌ তারে মাঢ ভিদিরে ঘুরোঘুরি গত্যে দেগিনে পুযোর্‌ গুরিলো, “তুই কি তগর্?”

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”

যিহোশূয় 10:36

ইয়েনর্ পরেন্দি যিহোশূয় ইস্রায়েলীয়গুনোরে বেক্কুনোরে নিইনে ইগ্লোনত্তুন হিব্রোণত্‌ যেইনে শঅ‌রান আক্রমণ গুরিলো।

যিহোশূয় 14:15

অনাকীয়গুনো ভিদিরে অর্ব নাঙে এক্কো খেমতাবান্‌ মান্‌জ্যর নাঙ্‌ অনুসারে হিব্রোণরে আগে কিরিয়ৎ-অর্ব কুয়ো অদঅ‌। ইয়েনর্ পরেন্দি দেজত্‌ যুদ্ধো থামেল।

বিচের গুরিয়্যেগুন 1:20

মোশির এগেম্ মজিম্ কালেবরে হিব্রোণ শঅ‌রান দিয়্যে অলঅ‌। অনাকর তিন্নো পূঅরে কালেবে হিব্রোণত্তুন্‌ ধাবেই দিয়্যে।

বিচের গুরিয়্যেগুন 1:9

ইয়েনর্ পরেন্দি তারা অজল্‌ মুড়ো-মুড়ির চাগালাত্‌‌, নেগেভ আর তলে মুড়ো-মুড়ির্‌ চাগালার্‌ আদাম্মে কনানীয়গুনো সমারে যুদ্ধো গুরিবাত্তে গেলাক্‌।।