যাকোব 5:20 - Chakma Bible

²⁰ মাত্তর্ এ কধাগান ইদোত্ রাগেয়ো-যুনি কেঅ এক্কো পাপীরে ভুল্ পধত্তুন্ ফিরেই আনে সালে তে তারে মরণত্তুন্ বাজেল আর বোউত্ পাপ নাঢি রাগায়।

যাকোব 5:20 ပူးပေါင်းရင်းမြစ်များ

গীতসংহিতা 32:1

বর্‌পেইয়্যে সেই মানুচ্চো, যিবের্ গোজেন উগুরে উল্লোমীগানি খেমা গরা ওইয়্যে, যিবের্ পাপ্পানি ঢাগি দিয়্যে ওইয়্যে।

গম্ উপদেজ্ 10:12

ঈচ্ গরানাগানে কোল্-কোজ্যে বাজেই দে, মাত্তর্ কোচ্‌পানাগানে বেক অন্যেয়ানিরে ঢাগি রাগায়।

গম্ উপদেজ্ 10:2

অন্যেয়গুরি পেয়্যে ধন্দোই কনঅ লাভ ন-অয়, মাত্তর্ গোজেন উগুরে ভোক্তি থেলে মরনত্তুন্ উদ্ধোর গরে।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

গম্ উপদেজ্ 17:9

যে মানুচ্চো অন্যেয়ানি ঢাগি দে তে কোচ্‌পানাগান বাড়েই দে, মাত্তর্ যে মানুচ্চো কোই কোই বেড়াই তে দাংগুত্ব ভাঙি ফেলায়।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

রোমীয় 11:14

ইয়েন্দোই যেন মুই মঅ নিজো জাদর্ মানুচ্চুনোরে আওজ্ জাগেইনে তারাত্তুন্ কয়েক্কো মান্‌জ্যরে উদ্ধোর্ গুরি পারং।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 9:22

যিগুনোর্ বিশ্বেজ্ কম্ তারা ইধু মুই সেবাবোত্যে মান্‌জ্য ধোক্ক্যেন ওইয়োং, যেন খ্রীষ্টত্যে তারারে পুরোপুরি গুরিনে জিদি পারং। আজল্ কধা, মুই বেক্কুনো ইধু বেক্কানি ওইয়োং যেন যে কনঅ বাবদে কিজু মন্‌জ্যরে উদ্ধোর্ গুরি পারং।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

ফিলীমন 1:19

মুই পৌল নিজো আঢে লেগঙর্, মুই সেই কজ্জগুন শুজি দিম্। খালিক্ এ কধাগান মর্ কবার দরকার নেই, খ্রীষ্ট উগুরে বিশ্বেজ্ পৌইদ্যেনে তুই নিজেই মইধু কজ্জ তলাত্ আঘচ্।

যাকোব 1:15

সে পরেদি কামনা পুরেলে পরেদি পাপর জর্ম অয়, আর পাপ বেশ্ অলে পরেদি মরণর্ জর্ম অয়।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

যাকোব 5:15

বিশ্বেজ্‌‌বলা তবনাগানে সেই অসুখ্যে মানুচ্চোরে গম গুরিবো; প্রভুই তারে গম গুরিবো। তে যুনি পাপ গুরি থায় সালে গোজেনে তারে ক্ষেমা গুরিবো।

যাকোব 5:19

মর্ ভেইয়ুন্, তমা ভিদিরে যুনি কেঅ সত্যত্তুন্ দূরোত্ সুরি যায় আর তমাত্তুন্ কেঅ তারে ফিরেই আনঅ,

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।