যাকোব 5:1 - Chakma Bible

¹ তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।

যাকোব 5:1 ပူးပေါင်းရင်းမြစ်များ

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

গম্ উপদেজ্ 11:28

যে তার ধন উগুরে বিশ্বেজ্ গরে তার পতন্ অবঅ, মাত্তর্ গোজেন ভক্ত মানুচ্চুনে য়েল্ গাজ পাদা ধোক্ক্যেন ফোত্‌ফোত্যে থেবাক্।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 15:3

তারা পধে পধে বস্তা পাদা পিনিনে বেড়াদন্। তারা বেক্কুনে ছাল উগুরে আর শঅর-সংমধ্যে আবিলেচ্ গত্তন্। তারা অমকদ কানাকুদি গত্তন্।

যিরমিয় 4:8

সেনত্তে বস্তাপাদা উরিনে আবিলেচ্ আর হাহাকার গরঅ, কিত্তে লগেপ্রভুর জ্বোল্‌‍‍‍জোল্যে রাগ্‌‌‍‍কান আমান্দিত্তুন ফিরি ন-যায়।” ‍‍‍‍‍‍‍

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

যিহিষ্কেল 19:2

সিংহগুনো ভিদিরে তঅ মাবো এলদে সেরা পাড়িসিংহ। তে গাবুজ্যে সিংহগুনো মোধ্যে পড়ি থেদঅ; তা ছঅগুনোরে তে পালেদ।

যিহিষ্কেল 30:2

ও মান্‌‌‌‌‌‌‌‌জ্যর পুয়োবো, তুই এ আগাম্ কধাগান কঅ, প্রভু লগেপ্রভু কোইয়্যেদে, সেই দিন্নোত্তে দুঃখ ফগদাং গরঅ।

যোয়েল 1:11

ও চাজাবলাগুন, তুমি লাজঅ; তুমি যিগুনে আংগুর-গাজর্ যত্তন্ গরঅ, তুমি গম্ আর কেচ্ বিজিত্তে আবিলেচ্ গরঅ; কিত্যে খেদর্ ফসল ভস্ত ওইয়্যে।

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

যোয়েল 1:5

ও মাত্তল্‌বলাগুন, জাগি উদো আর কানাকুদি গরঅ। ও বেক্ মদ খুরুন, তুমি তাজা আংগুর-রজর্ মদত্তে আবিলেচ্ গরঅ, কিত্যে সিয়েন তমা মুয়োত্তুন্ কাড়ি নেযা ওইয়্যে।

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

যাকোব 1:11

বেলানে যেক্কে জ্বোল্‌‌জোল্ল্যে গরমে উদে সেক্কে সেই ঘাস্‌‌চানি শুগেই যায়, ফুলুন্ ঝুরি যান্ আর সিগুনোর্ দোলান্ বর্‌‌বাদ্ ওই যায়। তাগোয়্যে মানুচ্চোয়ো ঠিগ্ সেবাবোত্যে গুরি তা জিংকানিগান কাম্ গত্তে গত্তে থুম্ ওই যেবঅ।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?

যাকোব 4:13

তমাত্তুন্ কেঅ কেঅ কোই থান্, “এচ্চ্যে বা কেল্ল্যে আমি অমুক্ শঅরত্ যেইনে এক বজর্ কাদেবং আর সিধু বেবসা গুরিনে লাভ্ গুরিবোং।”

যাকোব 4:9

দুঘে ভাঙি পরঅ আর আবিলেচ্ গুরিনে কানঅ। তমা আজানার্ বদলে আবিলেচ্ গরঅ আর হুজীর বদলে দুঘ্ গরঅ।