যাকোব 4:14 - Chakma Bible

¹⁴ মাত্তর্ এজেত্তে কেল্ল্যে কি অবঅ সিয়েন তুমি কোই ন-পারঅ। তমা জিংকানিগানি বা কি? তুমি দঅ ভাব(ধূমো) ধোক্ক্যেন, যিয়েন খানক্‌কনত্যে থায় আর সে পরেদি মিলেই যায়।

যাকোব 4:14 ပူးပေါင်းရင်းမြစ်များ

২ শমূয়েল 19:34

মাত্তর্‌ জোবত্‌ বর্সিল্লয় রাজারে কলঅ, “মুই আহ্ কয় বজর্ বা বাঁজিম্‌, মুই রাজার লগে যিরূশালেমত্‌ যেম্‌?

গীতসংহিতা 102:3

মঅ দিনুন্ ধূমো ধোক্ক্যেন মিলেই যেয়োন্; মঅ আড়ুন্ যেন চুলো আগুনে পুজ্যেদে ধোক্ক্যেন্।

গীতসংহিতা 144:4

মানুচ্ দঅ বানা নিজেস্; তা দিনুন্ সুরি যেইয়্যে ছাবা ধোক্ক্যেন্।

গীতসংহিতা 39:5

তুই মর্ আয়ুগান বানা চের্ আঙুলো সং গোজ্যচ্; তর্ চোগেন্দি মর্ জিংকানিগান কিচ্চু নয়। মানুচ্ তার্ বেক্কানিন্দি সয়সাগোজ্যে অবস্থাদ্‌অ বানা এক্কো নিজেস্ বাদে আর্ কিচ্চু নয়।

গীতসংহিতা 78:39

তে ভাবি চেলদে তারা দঅ মানুচ্, তারা বেঈ যেইয়্যে বোইয়্যের ধোক্ক্যেন যিয়েন ফিরি ন-এজে।

গীতসংহিতা 89:47

ভাবি চাহ্ মর্ জিংকানিগান কত্তমান্ চিগোন; অনত্তক্ কি তুই মান্‌জ্যরে বানেয়োচ্!

গম্ উপদেজ্ 27:1

এজেত্তে কেল্যে পৌইদ্যেনে বাড়্‌বো ন-গোজ্য, কিত্তে কন্ দিন কি অবঅ সিয়েন তুই হবর্ ন-পাজ্।

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

যিশাইয় 38:12

ভেড়া গরগর্ তাম্বুলো ধোক্ক্যেন্ গুরি মঅ থেবার জাগায়ান্ তুলি ফেলেইনে মত্তুন্ সিয়েন নেযা অবঅ। মঅ আয়ুগান মুই তাতীগুনো ধোক্ক্যেন্ গুরি তাত্ কলান্দোই মিজেয়োং আর ইক্কিনে সিয়েনত্তুন্ তুই মরে ছাজি ফেলেবে। এক দিনো ভিদিরে তুই মরে শেজ্ গুরি দিবে।

যাকোব 1:10

আর যে তাগোয়্যে, গোজেনে তারে চিদে বানেয়্যে বিলিনে তেয়ো নিজোরে ভাগ্যত্যে মনে গোরোক্, কিয়া তে ঘাস ফুলো ধোক্ক্যেন ঝুরি পড়ি যেবঅ।

১ পিতর 1:24

পবিত্র বোইবোত্ লেগা আঘে, বেক্ মানুচ্চুন ঘাস ধোক্ক্যেন, আর ঘাস ফুলো ধোক্ক্যেন তারার্ বেক দোলান্; ঘাস শুগেই যায়, আর ফুল্অ ঝরি যায়,

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

১ যোহন 2:17

জগদ্ আর জগদর্ কামনা-বাসনা থুম্ ওই যার্, মাত্তর্ গোজেনর্ আওজ্‌চান যে পালায় তে উমরত্যে থেবঅ।