যাকোব 3:8 - Chakma Bible

⁸ মাত্তর্ কনঅ মানুচ্‌ জিলানরে দোঙেই রাগেই ন-পারন্। সিয়েন থির্ নেইয়্যে আর ভান্ন্যেই আহ্ দর্‌গরেপারা বিষে ভরা।

যাকোব 3:8 ပူးပေါင်းရင်းမြစ်များ

গীতসংহিতা 140:3

সাপ ধোক্ক্যেন তারা জিলানি ধারেয়্যে গোজ্যন্; তারা ঠুট্‌ঠুনো তলে যেন সাপ বিষ আঘে।

গীতসংহিতা 55:21

তার মুয়ো কধানি মাখনত্তুন বেশ্ নরম, মাত্তর্ তা মনানত্ রোইয়্যেদে যুদ্ধো; তা কধানি কিয়্যেত্ গুল্যে তেলত্তুন বেশ্ আরামর, মাত্তর্ সিয়েনি যেন থৈল্যেত্তুন টানি নিগিল্যেয়ে তলোয়ার।

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

গীতসংহিতা 58:4

সাপ বিষো ধোক্ক্যেন তারার বিষ্‌ছানি; তারা যেন বহ্‌রা আজাব সাপ যে নিজো কানান্ ঢিবে দি রাগেয়্যে।

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

গম্ উপদেজ্ 17:20

যে মানুচ্চোর মনান্ কুজুরো তার ভালেদি ন-অয়; যে মানুচ্চো ছলনার কধা কয় তে দজাত্ পড়ে।

উপদেশক 10:11

সাপ্পোরে মুগ্ধ গুরিবার্ আগেদি যুনি তে কামড় দে সেক্কে সাপুড়েবোর্ কনঅ লাভ্ ন-অয়।

রোমীয় 3:13

তারার্ মুয়োনি যেন খুলো কবর ধোক্ক্যেন, জিলান্দোই তারা ছলনার্ কধা কন্। তারার্ ঠুদ্‌‌তুনো তলে যেন সাপর্ বিষ আঘে।

দ্বি’লম্বর বিররণ 32:33

তারার আংগুর-রসসানি অলঅ সাপ বিষ, কালা যামুরো সাপর দর্‌গরেপারা বিষ।

যাকোব 3:6

সেধোক্ক্যেন জিলান্অ ঠিগ্ আগুনো ধোক্ক্যেন। আমা কিয়্যেগানিত্ যেদক্কানি জিনিস্ আঘে সিয়েনি ভিদিরে জিলান্ যেন এক্কান ভান্ন্যেয়র্ দুনিয়া। নরগর্ আগুনোত্ জুলি উদিনে তে গোদা কিয়্যেগানরে বর্‌বাদ্ গরে আর জিংকানি-পধত্ আগুন ধোরেই দে।

যাকোব 3:7

মানুচ্ নানান্ বাবোত্যে য়েমান, পেক্, বুগেদি-আঢি বেড়েয়্যে প্রাণি আর সাগর প্রাণিরে দোঙেই রাগেই পারন্ আর রাগেয়োন্,

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।