যাকোব 2:20 - Chakma Bible

²⁰ হায় ভুলো! কাম্ বাদে বিশ্বেজ্‌চান যে ফল-নেইয়্যে সিয়েনর প্রমাণান্ কি তুই চাজ্?

যাকোব 2:20 ပူးပေါင်းရင်းမြစ်များ

গম্ উপদেজ্ 12:11

যে মানুচ্চো নিজো ভূইয়োত্ কাম গরে তার বোউত্ হানা থায়, মাত্তর্ যে বাজে কামত্ লাগি থায় তার বুদ্ধির অভাব আঘে।

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

রোমীয় 1:21

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

রোমীয় 3:28

কিত্যে আমি কোই পারিই, গোজেনে মান্‌জ্যরে তার্ বিশ্বেজর্ কারনে নিদ্দুজি বিলি মানি লোইয়্যে, রীদি-সুদোম পালন গুরিবাত্তে নয়।

রোমীয় 9:20

সিয়েনর্ জোবত্ মুই কোম্‌বে, তুই মানুচ্‌; গোজেনর্ কধানি উগুরে কধা কবার্ তুই কন্না? কনঅ মান্‌জ্যে যুনি এক্কান্ জিনিচ্‌ বানায় সালে সেই বানেইয়্যে জিনিচ্চানে কি তারে পুযোর্ গুরি পারে, “কিত্ত্যে মরে এবাবোত্যে বানেলে?”

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:3

কিচ্চু ন-ওইনেয়ো কেঅ যুনি নিজোরে বিশেষ কিজু বিলিনে মনে গরে সালে দঅ তে নিজোরে থগায়।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

১ তীমথিয় 1:6

কিজু মান্‌জ্যে ইয়েনিত্তুন্ সুরি যেইনে বাজে কধাবাত্তা ইন্দি বেশ্ মনান্ দুয়োন।

তীত 1:10

এধোক্ক্যেন বোউত্ মানুচ্‌ আঘন্ যিগুনে উল্লো, যিগুনে বাজে কধা কন্ আর যিগুনে ছলনা গুরি বেড়ান্। যিগুনে চুনু মাঢা কাবানা উগুরে জোর্ দুয়োন, বিশেষ গুরি মুই তারা কধানি কঙর্।

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।

যাকোব 2:17

ঠিগ্ সেবাবোত্যে গুরি, যে বিশ্বেজ্‌চান সমারে কামর্ মিল্ নেই সেই বিশ্বেজ্‌চান মরা।

যাকোব 2:26

পরাণান্ বাদে কিয়্যেগান যেধোক্ক্যেন মরা ঠিগ্ সেধোক্ক্যেন কাম বাদে বিশ্বেজ্‌চান মরা।