যাকোব 1:10 - Chakma Bible

¹⁰ আর যে তাগোয়্যে, গোজেনে তারে চিদে বানেয়্যে বিলিনে তেয়ো নিজোরে ভাগ্যত্যে মনে গোরোক্, কিয়া তে ঘাস ফুলো ধোক্ক্যেন ঝুরি পড়ি যেবঅ।

যাকোব 1:10 ပူးပေါင်းရင်းမြစ်များ

ইয়োব 14:2

তে ফুলো ধোক্ক্যেন্ ফুদি উদে সে পরেদি শুগেই যায়; তে ছাবা ধোক্ক্যেন্ আধি যায়, আর ন-থায়।

গীতসংহিতা 102:11

মঅ দিনুন্ বেল্যেমাদান ছাবা ধোক্ক্যেন ওই যেয়োন্; ঘাস ধোক্ক্যেন মুই শুগেই যাঙর্।

গীতসংহিতা 103:15

ঘাস আয়ু ধোক্ক্যেন মান্‌জ্যর্ আয়ুগান, মাদ ফুলো ধোক্ক্যেন্ তে ফুদি উদে।

গীতসংহিতা 37:2

কিয়া ঘাস ধোক্ক্যেন্ তারা যাদিমাদি শুগেই যেবাক্ আর য়েল্ পাদা-গাজ ধোক্ক্যেন্ বেশ্ ন-টিগিবাক্।

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

যিশাইয় 40:6

একজন রঅ কত্তে, “ফগদাং গরঅ।” মুই কলুং, “মুই কি ফগদাং গুরিম্?” “বেক্ মানুচ্চুনে দঅ ঘাজ ধোক্ক্যেন্, ঘাজ ফুলো ধোক্ক্যেন তারার্ বেক্ দোলান।

যিশাইয় 40:7

ঘাস শুগেই যায় আর ফুলঅ ছিনি পড়ে, কিত্তে লগেপ্রভুর নিজেস্‌ছো সিগুনো উগুরেদি বেই যায়। ঘেচ্চেক্‌গুরি মানুচ্ দঅ ঘাস ধোক্ক্যেন্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

মথি লেখ্যে গম্ হবর্ 6:30

মাদ যে ঘাস্‌চানি এচ্চ্যে আঘে আর কেল্যে চুলোত্ ফেলেই দিয়্যে অবঅ, সিয়েনি যেক্কে গোজেনে এবাবোত্যেগুরি সাজায় সেক্কে ও কম্ বিশ্বেজ্ গুরিয়্যেগুন, তে যে তমারে ঘেচ্চেকগুরি সাজেব সিয়েনত্ কনঅ সন্দেহ নেই।

১ করিন্হীয় 7:31

যিগুনে জগদ পৌইদ্যেনে জোড়েইয়্যে তারা যেন পুরোপুরি জোড়েইয়্যে নয়; কিয়া জগদর্ চেঙেরাগান্ বুদুলি যার্।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

যাকোব 4:14

মাত্তর্ এজেত্তে কেল্ল্যে কি অবঅ সিয়েন তুমি কোই ন-পারঅ। তমা জিংকানিগানি বা কি? তুমি দঅ ভাব(ধূমো) ধোক্ক্যেন, যিয়েন খানক্‌কনত্যে থায় আর সে পরেদি মিলেই যায়।

১ পিতর 1:24

পবিত্র বোইবোত্ লেগা আঘে, বেক্ মানুচ্চুন ঘাস ধোক্ক্যেন, আর ঘাস ফুলো ধোক্ক্যেন তারার্ বেক দোলান্; ঘাস শুগেই যায়, আর ফুল্অ ঝরি যায়,

১ যোহন 2:17

জগদ্ আর জগদর্ কামনা-বাসনা থুম্ ওই যার্, মাত্তর্ গোজেনর্ আওজ্‌চান যে পালায় তে উমরত্যে থেবঅ।