যিশাইয় 9:4 - Chakma Bible

⁴ মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিশাইয় 9:4 ပူးပေါင်းရင်းမြစ်များ

পত্থম 27:40

তলোয়ারানই অবঅ তর্‌ জীংকানিকান, তুই তঅ ভেইয়ুনোর চাগর্‌ ওইনে থেবে। মাত্তর্‌ যেক্কে তুই অধৈর্য্য ওইনে উদিবে সেক্কে তুই তঅ কানাত্তুন্ তার্‌ জুঙোলান ঠিলিনে ফেলেই দিবে।”

গীতসংহিতা 125:3

গোজেন ভক্ত মানুচ্চুনে যেনে অন্যেয় কামত্ আত্ ন-দুয়োন্ সেনত্তে গোজেনর দিয়্যে তারা দেজ্‌ছান উগুরে পাজিগুনোরে রাজাগিরি গুরিবাত্তে দিয়্যে ন-অবঅ।

গীতসংহিতা 81:6

লগেপ্রভু কলঅ, মুই তা কানাত্তুন্ বুধিবো সোরেই দিলুং; কাল্লোং বুয়োনাত্তুন্ তে বাঁজিলো।

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিশাইয় 16:4

মোয়াবর ধেই যেইয়্যে মানুচ্চুনোরে তমা সমারে থেবাত্তে দুয়ো; ভস্ত গুরিয়্যেগুনোর মুজুঙোত্তুন্ তারারে লুগেই রাগঅ।” যিহূদাত্ অত্যেচারীগুনে শেজ্ ওই যেবাক্; ভস্তর্ কামানি থামেব। দেজত্ আক্রমণ গুরিয়্যেগুনোরে আর দেগা ন-যেবঅ।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 9:5

যুদ্ধো গুরিবাত্তে এচ্চ্যে পত্তিজনর্ যুদ্ধোর জদা, লো-লোই ভিজে পত্তিজনর্ পোজাক্ আগুন্দোই পুড়ি দিয়্যে অবঅ।

যিরমিয় 30:8

মুই বেগত্তুন্ খেমতাবলা লগেপ্রভু কঙর্, সেদিন্যে মুই তারার গত্তনাত্তুন্ জুঙোলান্ ভাঙি ফেলেম্ আর তারার দুড়িগান ছিনি ফেলেম; বিদেশীগুনে আর তারার চাগর্ গুরি ন-রাগেবাক্।

যিরমিয় 48:17

তুমি যিগুনে তা চেরোকিত্তে বজত্তি গরঅ, যিগুনে তা সুনাঙ কধা হবর্ পঅ, তুমি বেক্কুনে তাত্তে আবিলেচ্ গরঅ। তারে কঅ, ‘খেমতাবলা রাজদন্ড, বাঈনী গরেদে লুদিক্ কেধোক্ক্যেন গুরি ভাঙি যেইয়্যে! ’ ”

লেবীয় 26:13

মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং যেনে মিসরীয়গুনোর্‌ চাগর্‌ ওইনে তমাত্তুন্‌ আরঅ থাহ্ ন-পড়ে । কানাগানর্‌ জুঙোলান্ ভাঙি ফেলেইনে মুয়ই তমা মাদাগুন উজু গুরিনে আদিবার্‌ অবস্থাত্‌ আন্যং।

নহূম 1:13

ইক্কিনে মুই তঅ কানাত্তুন্ তারার্ জুঙোলান্ ভাঙি দিম আর তঅ বান্যেগান্ ছিনি ফেলেম্।”