যিশাইয় 7:9 - Chakma Bible

⁹ ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

যিশাইয় 7:9 ပူးပေါင်းရင်းမြစ်များ

২ রাজাবলী 15:27

যিহূদার রাজা অসরিয়োর রাজাগিরির বায়ূন্নো বজরত্‌ রমলিয়োর পুয়ো পেকহ শমরিয়াত্‌ ইস্রায়েলর রাজা অলঅ। তে কুড়ি বজর্‌ রাজাগিরি গোজ্যে।

২ বংশধর 20:20

তার্‌ কেল্যে বেন্যেপোত্যে তারা তকোয় ধূল্যেচর-চাগালা ইন্দি যাহ্ ধুরিলাক্‌। তারা যেবার্‌ আগেন্দি যিহোশাফটে থিয়্যেইনে কলঅ, “ও যিহূদা আর যিরূশালেম মানুচ্চুন, মঅ কধাগান শুনো। তুমি তমার্‌ গোজেন লগেপ্রভু উগুরে বিশ্বেজ্‌ গরঅ, সালে তুমি ঠিগ্‌ থেই পারিবা। তা ভাববদীগুনো উগুরে বিশ্বেজ্‌ রাগ, সেক্কে তুমি ফোলেবা।”

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিশাইয় 7:10

লগেপ্রভু আরঅ আহসরে কলঅ,

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিশাইয় 8:4

পুয়োবো ‘মা’ বা ‘বাবা’ কবার্ আগেদি দামেস্কর ধন-সোম্বোত্তিগানি আর শমরিয়ার লুদেয়্যে মালানি আসিরিয়ার রাজাবো নেযেব।”

যিশাইয় 9:9

ইফ্রয়িম আর শমরিয়ার বেক্ আদাম্মেগুনে সিয়েন হবর্ পেবাক্। তারা বাড়্‌‌বো গুরিনে আর মনেদি বাড়্‌বো গুরি কন্,

মীখা 1:5

যাকোব পাপত্তে, ইস্রায়েল বংশর অন্যেয়ত্তে ইয়েনি অবঅ। যাকোবর পাপত্তে দায়ী কন্না? শমরিয়া কি নয়? যিহূদার পূজোর্ অজল্ জাগানিত্তে দায়ী কন্না? যিরূশালেমানে কি নয়?

প্রেরিত্‌ 27:11

মাত্তর্ শত উগুরে সেনাপতিবো পৌল কধা ন-শুনিনে জাহাজর্ কেপ্তিন্ আর জাহাজর্ গিরোজ কধা শুনিলো।

প্রেরিত্‌ 27:25

ইয়েনত্যে তুমি মনত্ সাহচ্‌ রাগঅ। গোজেন উগুরে মর্ এ বিশ্বেজ্‌‌চান আঘে, তে মরে যিয়েন কোইয়্যে সিয়েন-ই অবঅ।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।

১ যোহন 5:10

গোজেন পুয়োবো উগুরে যে বিশ্বেজ্ গরে তা মনভিদিরে সেই সাক্ষিগান আঘে। যিগুনে গোজেনরে বিশ্বেজ্ ন-গরন তারা তারে মিজেমাদিয়্যে বানেয়োন, কিয়া গোজেনে তা পুয়োবো পৌইদ্যেনে যে সাক্ষিগান দের্ সিয়েন তারা বিশ্বেজ্ ন-গরন।