যিশাইয় 66:22 - Chakma Bible

²² লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিশাইয় 66:22 ပူးပေါင်းရင်းမြစ်များ

যিশাইয় 48:19

ইয়েনিবাদে তমা বংশধরুনে ধূল্যে ধোক্ক্যেন অদাক্ আর তমা ঝি-পুয়োগুনে অদাক্ ধূল্যেচর ধোক্ক্যেন গুণি ন-পুরেইয়্যে। তারা নাঙানি মঅ মুজুঙোত্তুন্ কনদিন্অ ফুজি ফেলা ন-অদঅ বা তারারে ভস্ত গরা ন-অদঅ।”

যিশাইয় 51:16

মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 56:5

মাত্তর্ তারার ঝি-পুয়োগুন থেলে যে নাঙানি থেদঅ তারাত্তুন্ মঅ ঘরান আর দেবাল ভিদিরে তারা নাঙানি থিদেবর্ গুরিনে সিয়েনি মুই আরঅ ইদোত্ থাই পারা রাগেম। মুই তারারে এমন্ উমরর্ নাঙ্ দিম যিয়েনি পুজি ফেলা ন অবঅ।

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিশাইয় 61:8

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 65:17

“চঅ, মুই নূয়ো আগাজ্ আর এক্কান নূয়ো পিত্‌‍‍‍থিমী বানেম। আগ বেপারানি ইদোত্ ন-থেবঅ, সিয়েনি মনত্‌অ ন-পুরিবো।

যিশাইয় 65:22

তারা ঘর্ বানেলে অন্যগুনে আর সিদু বজত্তি ন-গুরিবাক্, বা গাজ্ লাগেলে অন্যগুনে ফল ন-হেবাক্। মঅ মানুচ্চুনোর আয়ুগান এক্কো গাজর্ আয়ুর সং সং অবঅ; মর্ বেঈ লোইয়্যে মানুচ্চুনে ভালোক্ দিন ধুরিনে তারার আঢর্ কাম ফলুন্ ভোগ গুরিবাক্।

যিশাইয় 65:23

তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিরমিয় 33:20

“মুই লগেপ্রভু কঙর্, দিন আর রেদ্ পৌইদ্যেনে মর্ যে সুদোমান আঘে সিয়েন যুনি ভাঙা যায় যেনে ঠিগ্ সময়োত্ রেদ্ বা দিন ন-অয়,

যিরমিয় 33:21

সালে মর্ চাগর দায়ূদোত্তে আর মঅ মুজুঙোত্ থিয়্যেইনে যিগুনে সেবা-কাম গরন সেই লেবীয় ধর্মগুরুগুনোত্তে মুই যে সুদোমান থিদেবর্ গোজ্যং সিয়েন্‌অ ভাঙা যেবঅ আর দায়ূদোর সিংহাসনত্ বুজিনে রাজাগিরি গুরিবাত্তে তার কনঅ বংশধর ন-থেবাক্।

সফনিয় 3:20

ও যিরূশালেমর মানুচ্চুন, সে সময়োত্ মুই তমারে আনিনে এগত্তর্ গুরিম। মুই যেক্কে তমা অবস্থাগান্ ফিরেম সেক্কে পিত্‌‌‌থিমীর বেক জাদ্‌‌‌তুনো ইধু মুই তমারে সর্মান আর বাঈনী গরে পারা গুরিম, আর তুমি সিয়েন দেগিবা। মুই লগেপ্রভু এ কধাগান কঙর্।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

২ পিতর 3:13

মাত্তর্ আমি গোজেনর্ এগেম্ মজিম নুয়ো আগাজ্ আর নুয়ো পিত্‌থিমীগানত্যে বাজ্জ্যেই আঘি। সিয়েনত্ বেক্কানি গোজেনর্ আওজ্ মজিম অবঅ।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।