যিশাইয় 66:2 - Chakma Bible

² ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিশাইয় 66:2 ပူးပေါင်းရင်းမြစ်များ

১ রাজাবলী 21:29

“তুই কি খিয়েল্‌ গোজ্যস্‌ আহাবে মঅ মুজুঙোত্‌ নিজোরে কি বাবোত্যে চিগোন্‌ গোজ্যে? তে নিজোরে চিগোন্‌ গোজ্যে বিলিনে এ দযাগান্‌ মুই তা জিংকানিত্‌ ন-আনিম্‌, মাত্তর্‌ তা পূঅবো জিংকানিত্‌ তা বংশগুনো উগুরে আনিম্‌।”

২ রাজাবলী 22:10

সেক্কে লিগিয়্যে শাফনে এ কধাগান্‌ রাজারে জানেল, “ধর্মগুরু হিল্কিয় মরে এক্কো বোই দিয়্যে।” ইয়েন্‌ কোইনে শাফনে সিবে রাজারে পড়ে শুনেল।

২ রাজাবলী 22:11

রীদি-সুদোম বোইবোত্‌ যিয়েনি লেগা এলঅ সিয়েনি শুনিনে রাজা উজ্যে কাবড়-চুগোরানি ফাদিলো।

ইষ্রা 10:3

ইক্কিনে এজঅ, আমা গোজেন মুজুঙোত্ আমি এ এগেমান্ গুরিই, আমার গিরোজ্ তর্ সল্লা মজিম আর আমা গোজেনর্ উগুমানরে যিগুনে দরান্ তারার্ সল্লা মজিম আমি এ মিলেগুনোরে আর তারার্ ঝি-পুয়োগুনোরে বাদ দিবোং। রীদি-সুুদোম মজিম সিয়েন গরা ওক্।

ইষ্রা 9:4

বন্দীদযাত্তুন্ ফিরি এচ্চ্যে এ মানুচ্চুনোর অবিশ্বেজর্ বেপারে যিগুনে ইস্রায়েলর্ গোজেনর্ কধানি ইদোত্ তুলিনে গির্‌গিরে উদিলাক্ তারা পত্তিজনে মইদু এইনে এগত্তর্ অলাক্। সাজোন্যে অক্তত্ উৎসর্বর সময়ো সং মুই সিয়েনত্ আমক্ ওইনে বোই রলুং।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 119:161

শাজন্‌গুরিয়্যেগুনে এনেবাদে মঅ উগুরে অত্যেচার গরন্, মাত্তর্ মঅ মনানত্ তঅ কধানি উগুরে ভোক্তিগোজ্যে দর্ আঘে।

গীতসংহিতা 138:6

যুনিয়ো লগেপ্রভু বেক্কানি উগুরে আঘে তো তে তলে পোজ্যে মানুচ্চুনো ইন্দি খিয়েল্ রাগায়, মাত্তর্ বাড়্‌বো গুরিয়্যেগুনোরে তে দূরোত্তুন্ হবর্ পায়।

গীতসংহিতা 34:18

যিগুনোর মনানি ভাঙি যেয়েগোই লগেপ্রভু তারা ইদু থায়; যিগুনোর মনানি ভাঙি যেয়েগোই তে তারারে উদ্ধোর্ গরে।

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

গীতসংহিতা 51:19

সালে যগাজ্যে মনভাব্‌পোই গোজ্যে উৎসর্বর অনুষ্ঠানত্, পুজ্যে-উৎসর্ব আর শেজন্দি পুজ্যে-উৎসর্বত্ তুই হুজি অবে, আর তর্ পুজোবো উগুরে মান্‌জ্যে বলদ্ গোরু উৎসর্ব গুরিবাক্।

গম্ উপদেজ্ 28:14

যে মানুচ্চো অন্যেয় গুরিবাত্তে নিত্য দরায় তে বর্ পেইয়্যে, মাত্তর্ যে তার মনানরে চিৎ ন-পুজ্যে গরে আর অন্যেয় গুরিবাত্তে ন-দরায় তে দজাত্ পড়ে।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 41:20

যেনে মানুচ্চুনে দেগন্, হবর্ পেইনে আর বিবেচনা গুরিনে বুঝি পারন্, লগেপ্রভুর্ আঢ্‌‌‌‌‌তানিয়ে এ কামান গোজ্যে, ইস্রায়েলর সেই সুদ্ধো-সাংগ মানুচ্চো ইয়েনি গোজ্যে।”

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

মথি লেখ্যে গম্ হবর্ 12:6

মুই তমারে কঙর্, উবোসনা-ঘরত্তুন্অ বেশ্ দাঙর্ একজন ইয়োত্ আঘে।

প্রেরিত্‌ 7:50

ইয়েনি বেক্ জিনিস্‌চানি কি মুই নিজো আঢে ন-বানাং?

প্রেরিত্‌ 9:6

তে কলঅ, “মুই যীশু, যিবে উগুরে তুই অত্যেচার্ গরর্। ইক্কিনে তুই উদিনে শঅরত্ যাহ্, কি গরা পুরিবো সিয়েন তরে কুয়ো অবঅ।”

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

কলসীয় 1:17

তেয়ই বেক্কানির্ আগে এলঅ আর তার্ মাধ্যমে বেক্কানি আঘে।