যিশাইয় 66:19 - Chakma Bible

¹⁹ লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিশাইয় 66:19 ပူးပေါင်းရင်းမြစ်များ

পত্থম 10:13

লূদীয়, অনামীয়, লহাবীয়, নপ্তুহীয়, পথ্রোষীয়, কস্‌লূহীয় আর ক্রীটীয়গুনে এলাক মিসর বংশর মানুচ্‌। কস্‌লূহীসগুনে এলাক্ পলেষ্টীয়গুনোর পুরোণি মানুচ্‌।

পত্থম 10:2

যেফত পুয়োগুন্‌ অলাক্‌ গোমর, মাগোগ, মাদয়, যবন, তূবল, মেশক আর তীরস।

পত্থম 10:22

শেম পুয়োগুন অলাক্ এলম, অশূর, অর্ফক্‌ষদ, লূদ আর অরাম।

পত্থম 10:4

যবন পুয়োগুন্‌ অলাক্‌ ইলীশা, তর্শীশ, কিত্তীম আর দোদানীম।

পত্থম 9:27

গোজেনে গোরোক, যেফতে যেনে বোউত্‌ জাগা জুড়ি থায়। তে শেমর তাম্বুলানত্‌ বজত্তি গোরোক্‌ আর কনানে তা চাগর ওক্‌।”

১ বংশধর 1:11

লূদীয়, অনামীয়, লহাবীয়, নপ্তুহীয়, পথ্রোষীয়, কস্‌লূহীয়োগুনে এলাক্‌ পলেষ্টীয়গুনোর পূরোণিমানুচ্‌।

১ বংশধর 1:7

যবনর পুয়োগুনে অলাক্‌ ইলীশা, তর্শীশ, কিত্তীম আর রোদানীম।

১ বংশধর 16:24

নানান্‌ জাদ ভিদিরে তার্‌ মহিমাগান্ ফগদাঙ্‌ গরঅ; বেক্‌ মানুচ্চুনো ইদু তার্‌ বেক্‌ আমক্‌ অইদে কামর্ কধানি ফগদাঙ্‌ গরঅ।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিশাইয় 18:7

সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্‌‌‌তুনো ইত্তুন্ বক্‌‌শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্‌‌‌শিজ্‌চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ।

যিশাইয় 2:16

বেক্ তর্শিশ-জাহাজ আর পত্তি সয়-সাগোজ্যে জাহাজ্‌চানি তলে গরা অবঅ।

যিশাইয় 29:24

যিগুনে গমেডালে বুঝি ন-পারন্ তারা গমেডালে বুঝি পারিবাক্, আর যিগুনে অখুজিগান্ ফগদাং গরন্ তারা শিক্ষ্যে লবাক্।”

যিশাইয় 42:12

তারা লগেপ্রভুর বাঈনী গোরোদোক্; দূরো দেজ্‌ছানি ভিদিরে তারে নাঙ্ গিনেনাগান্ ফগদাং গোরোদোক্।‌

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 49:1

ও দূর্ দেজর মানুচ্চুন্, মঅ কধাগান শুনো; দূরোর জাদ্‌তুন, কানানি পাদঅ। মর্ জর্মেবার আগেদি লগেপ্রভু মরে ডাক্যে; তে মা পেদত্তুন্ ধুরি মঅ নাঙান কোই কোই এজের্।‌‌‌

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 49:22

প্রভু লগেপ্রভু কোইয়্যেদে, “চঅ, মুই আঢ ইজিরেলোই অন্য জাদ্‌‍‌তুনোরে ডাগিম আর মর্ বাবতাগান তারারে দেগেম্। সেনত্তে তারা করত্ গুরিনে তমা পুয়োগুনোরে আনিবাক্ আর কানাত্ গুরিনে তমা ঝিগুনোরে বুয়োবাক্।‌

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিশাইয় 65:1

লগেপ্রভু কোইয়্যেদে, মুই এ মানুচ্চুনোরে মইদু কোজোলী গুরিবার সুযোগ দুয়োং, মাত্তর্ তারা মইদু কনঅ কোজোলী ন-জানান্; মুই তারা ইদু এলুং, মাত্তর্ তারা কনঅ সাহায্যত্তে মইদু ন-এজন্। মুই এ জাদর্ মানুচ্চুনোরে কোইয়োং, এইয়্যে দঅ মুই, এইয়্যে দঅ মুই, মাত্তর্ তারা মইদু তবনা ন-গরন্।

যিরমিয় 46:9

ও বেক্ ঘোড়াগুন, তুমি আক্রমণ গরঅ। ও রথ চালেয়্যেগুন্, ঢাল-বোইয়্যে কূশ আর পুটর মানুচ্চুন্, ধনুবলা লূদীয়গুন, তুমি উজেই যঅ।

যিহিষ্কেল 27:10

পারস্য, লূদ আর পূট দেজর্ মানুচ্চুনে তর্ সৈন্যদলত্ যোদ্ধার কাম গুরিদাক্। তারা তারার্ ঢাল আর মাঢাবো-রোক্ষ্যে গুরিবার তোক্ক্যে তইধু টাঙেনে তর্ সয়-সাগোজ্যে বাড়েই তুলিদাক্।

যিহিষ্কেল 27:13

গ্রীস, তূবল আর মেশকে তঅ লগে বেবসা গুরিদাক্; তারা তর্ পযাপিরানির বদলে চাগর্-চাগরানি আর পিদোল পিলে দিদাক্।

যিহিষ্কেল 30:5

কূশ, পূট, লূদ আর বেক্ আরব দেজ্‌‌চান, কূব আর কায়কুরে দেজর্ মানুচ্চুনে যুদ্ধোত্ মিসর লগে মারা পড়িবাক্।

যিহিষ্কেল 32:26

মেশক আর তূবল সিয়েনত্ আঘে; তারার চেরোকিত্তে রোইয়্যেদে তারার বেক মানুচ্চুনোর গোরুন্। এই বেক সুন্নত-ন-গোজ্যে মানুচ্চুনোরে যুদ্ধোত্ মারে ফেলা ওইয়্যে। জেদাগুনোর দেজত্ তারা দর্‌‌‌বুক লাগেয়োন।

যিহিষ্কেল 39:1

ও মান্‌‌‌জ্যর পুয়োবো‌, গোগর বিরুদ্ধে তুই এই আগাম্ কধানি কঅ, প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্ষে।

যিহিষ্কেল 39:6

মুই মাগোগ উগুরে আর যিগুনে দূর দেজ্‌‌‌চানিত্ গমেডালে বজত্তি গত্তন্ তারা উগুরে আগুন পাদেম্; সেক্কে তারা হবর্ পেবাক্, মুয়ই লগেপ্রভু।

দানিয়েল 11:18

সে পরেদি উত্তর রাজা দূরোর দেজ্‌‌‌‌‌চানি ইন্দি মনযোগ দিবো আর ভালোক্কানি দেজ্ গজক্ গুরি নিবো, মাত্তর্ এক্কো সেনাপতি তার সেই জিদেনার বাড়্‌বোগান্ শেজ্ গুরি দিবো আর তার্ ঈচ্ গরানাগান তা উগুরে ফিরেই দিবো।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

সফনিয় 3:10

কূশ দেজর্ গাঙ উপারত্তুন্ মর্ উবোসনাগুরিয়্যেগুন, মর্ ছিদি পোজ্যে মানুচ্চুন্ মঅ নাঙে উৎসর্বর জিনিস আনিবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

মার্ক 16:15

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

রোমীয় 15:21

পবিত্র বোইবোত্ লেগা আঘে, “যিগুনো ইধু তা পৌইদ্যেনে কুয়ো ন-অয় তারা সিয়েন দেগিবাক্, আর যিগুনে কনদিন্অ ন-শুনোন্ তারা বুঝি পারিবাক্।”

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।