যিশাইয় 66:13 - Chakma Bible

¹³ মাবো যেবাবোত্যেগুরি তা পুয়ো-ছাগুনোরে বুঝোয় সেবাবোত্যেগুরি মুই তমারে বুঝেম্; আর তুমি যিরূশালেমত্ বুঝ্ পেবা।”

যিশাইয় 66:13 ပူးပေါင်းရင်းမြစ်များ

গীতসংহিতা 137:6

যুনি মুই তরে ইদোত্ ন-রাগাং, যুনি যিরূশালেমরে মুই বেগত্তুন্ বেশ্ রঙ্গ-ফুত্তির জিনিস বিলিনে মনে ন-গরং, তো মঅ জিলানে যেন মঅ তাগারাত্ বাজে।

গীতসংহিতা 94:19

মর্ মনান যেক্কেনে পুযুক্-পাজাক্ অয়, সেক্কেনে তর্ দিয়্যে সান্তনাগানে মঅ মনানরে হুজি গরে।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 40:1

তমা গোজেনে কোইয়্যেদে, “মঅ মানুচ্চুনোরে সান্ত্বনা দুয়ো, সান্ত্বনা দুয়ো।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 66:10

তুমি যিগুনে যিরূশালেমানরে কোচ্‌পঅ তুমি তা সমারে ফুত্তি গরঅ, তাত্তে হুজি অ; তুমি যিগুনে তাত্তে দুঘ্ গোজ্য তুমি তা সমারে হুজি অ।‌

২ করিন্হীয় 1:3

আমা প্রভু যীশু খ্রীষ্টর্ গোজেন আর বাবার্ বাঈনী ওক্‌। তেয়ই দোয়্যে-মেয়্যের্ বাব্; তেয়ই বেক্‌ সান্তনার্ গোজেন।

২ করিন্হীয় 1:4

আমার্ বেক্‌ দুঘোত্ তে সান্তনা দান গরে, যেন তাত্তুন্ পেইয়্যে সান্তনা আমি অন্যগুনোর্ দুঘোত্অ দি পারিই।

১ থিষলনীকীয় 2:7

মাত্তর্ সিয়েনর্ বদলে মাবো যেধোক্ক্যেন তা নিজোর পুয়ো-ছাগুনোরে আদর-যত্তন্ গরে, তমা ইধু থেবার অক্তত্ আমিয়ো তমা লগে সেবাবোত্যে নরম বেবহার গোজ্জ্যেই।