যিশাইয় 65:8 - Chakma Bible

⁸ লগেপ্রভু কোইয়্যেদে, “আংগুরোর্ থুবোত্ রস আঘে দেগিনে মান্‌জ্যে কন্, ‘বর্‌বাত্ ন-গোজ্য, ইক্কিনেয়ো সিবে ভিদিরে গম্ জিনিস কিজু আঘে,’ সেবাবোত্যে মুই মঅ চাগর বেক্কুনোরে ভস্ত ন-গুরিম।‍‍ ‍

যিশাইয় 65:8 ပူးပေါင်းရင်းမြစ်များ

পত্থম 18:26

সেক্কে লগেপ্রভু কলঅ, “যুদি সদোম শঅরত্‌ পঞ্চাশ জন্‌ গম্‌ মানুচ্‌অ পাহ্ যায়, সালে তারাত্ত্যে গোদা শঅরান্‌ মুই রেহাই দিম্‌।”

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:21

বাঁজি থেইয়্যে মানুচ্চুনে ফিরি এবাক্; যাকোবর্ বাদ্‌বাগি মানুচ্চুন্ খেমতাবলা গোজেন ইদু ফিরি এবাক্।

যিশাইয় 10:22

ও ইস্রায়েল, যুনিয়ো তমা মানুচ্চুন্ সাগর পার ধূল্যেচর ধোক্ক্যেন্ তো বানা কয়েকজন মান্‌জ্যে ফিরি এবাক্। ইস্রায়েলত্তে ভস্ত অনাগান ঠিগ্ গরা আঘে আর সেই পেবার্ সাজাগান তারা উগুরে এবদে এবঅ।

যিশাইয় 48:9

মর্ নিজো সুনাঙত্তেই মঅ রাগ্‌কানরে মুই দোঙেই রাগেয়োং; মরে বাঈনী গুরিবাত্তে মুই সিয়েন মানা গুরি রাগেয়োং যেনে তমারে শেজ্ গুরি ফেলা ন-অয়।

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যোয়েল 2:14

কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।

মথি লেখ্যে গম্ হবর্ 24:22

মাত্তর্ সেই দুঘোর্ দিনুন্ যুনি গোজেনে কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে গোজেনে সেই দিনুন্ কোমেই দিবো।

মার্ক 13:20

মাত্তর্ প্রভু যুনি সেই দুঘোর্ দিনুন্ কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে সেই দিনুন্ গোজেনে কোমেই দিয়্যে।