যিশাইয় 65:3 - Chakma Bible

³ সেই মানুচ্চুনে মঅ মুয়োমি ওইনে মরে নিত্য কাঙেলেত্যে গোজ্যন্; তারা বাগানত্ উৎসর্বর অনুষ্ঠান গত্তন্ আর ইটো উগুরে আগর্‌বাট্টি জ্বালাদন্।

যিশাইয় 65:3 ပူးပေါင်းရင်းမြစ်များ

২ রাজাবলী 22:17

তারা মরে বাদ দিইনে দেব-দেবেদাগুনো নাঙে আগর্‌বাট্টি জ্বালেয়োন্‌ আর তারা আঢে বানেয়্যে বেক্‌ মূত্তিগুন্দোই মরে মনত্ দুগ্ লাগেয়োন; সেনত্তে এ জাগান বিরুদ্ধে মর্‌ রাগ আগুনান্‌ জুলি উদিবো আর সিয়েন্‌ মারা ন-যেবঅ।

ইয়োব 1:11

মাত্তর্‌ তুই আঢ্ বাবেইনে তার বেক্কানিত্‌ আঘাত্‌ গর্‌, তে হামাক্কাই তঅ‌ মুজুঙোত্‌ তঅ বিরুদ্ধে অগমান কধা কবঅ‌।”

ইয়োব 2:5

তুই আঢ্ বাবেইনে তা কিয়্যেত্‌ আঘাত্‌ গর্‌, তে হামাক্কাই তঅ মুজুঙোত্‌ তঅ‌ বিরুদ্ধে অগমান কধা কবঅ।”

গীতসংহিতা 78:40

ধূল্যেচর-চাগালাত্ কয়বার তা বিরুদ্ধে তারা উল্লোমি গোজ্যন্, সেই ধূল্যে ভূইয়োত্ কয়বার তারে দুঘ্ দুয়োন।

গীতসংহিতা 78:58

তারা মুড়ো উগুরে ডালিবাজা দিইনে তারে অখুজি গোজ্যন্; বানেয়্যে মুত্তি পূজো গুরিনে তা পাইদে ভক্তির আওজ্‌ছান বাড়েই দুয়োন।

যিশাইয় 1:29

“অয়, তুমি যিদুক্কুন্ এলোন গাজরে পূজো গুরিদা সিয়েনত্তে তুমি লাজেবা, আর যিদুক্কুন্ বাগানত্ তুমি পূজো গুরিদা সিয়েনত্তে অসর্মান্ অবা।

যিশাইয় 3:8

যিরূশালেমে উজোত্ হেইয়্যে আর যিহূদা পড়ি যেইয়্যে, কিত্তে তারার্ কধা আর কামানি লগেপ্রভুর বিরুদ্ধে; তারা গোজেন মুজুঙোত্ তা মহিমাগানরে এলাফেলা গরন্।

যিশাইয় 66:17

লগেপ্রভু কত্তে, “যিগুনে শূগোর আর উন্দুরো য়েরা আর অন্য জঘন্য জিনিস হান্ আর অনুষ্ঠান-চালেয়্যেবোর্ পিজে পিজে পূজোর বাগানত্ যেবাত্তে দেবেদাগুনো নাঙে যুদো গুরি রাগান আর সিজি গরন্, তারা এক সমারে শেজ্ ওই যেবাক্।

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

লেবীয় 17:5

ইস্রায়েলীয়গুনে ইক্কুনি যিদুক্কুন য়েমান মাদত্‌-উদোনত্‌ উৎসর্ব গোজ্যন সিগুন্‌ যেন তারা লগেপ্রভু ইদু নেযান্‌ সেনত্তে এ উগুমান্‌ দিয়া অলঅ। তারা সিগুন্‌ মিলন-তাম্বুল দোরানত ধর্মগুরুগুনো ইদু আনিনে লগেপ্রভুর নাঙে উদোলোলি-উৎসর্ব ইজেবে উৎসর্ব গরা পুরিবো।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।