যিশাইয় 65:25 - Chakma Bible

²⁵ হোক্ক্যে বাঘে আর ভেড়া ছঅ এক সমারে হেবাক্, সিংহ গোরু ধোক্ক্যেন ঘাস হেবঅ আর সাপর্ হানা অবঅ ধূল্যে। সিগুনে মর্ সুদ্ধো-সাংগ মুড়োবোত্ কনঅ জাগাত্ কনঅ খেতি ন-গুরিবাক্ বা ভস্ত ন-গুরিবাক্।”

যিশাইয় 65:25 ပူးပေါင်းရင်းမြစ်များ

ইয়োব 5:23

তঅ‌ ভূইয়োত্‌ কনঅ পাত্তর্‌ ন-থেবঅ‌; ঝার্‌বো এ্যমানুনে তরে আক্রমণ ন-গুরিবাক্‌।

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিশাইয় 65:11

মাত্তর্ তুমি যিগুনে লগেপ্রভুরে ছাড়ি যেইয়ো আর মর্ সুদ্ধো-সাংগ মুড়োবোরে ভুলি যেয়ো, যিগুনে ভাগ্যদেবর্ নাঙে টেবিল সাজেয়ো আর ভাগ্যদেবীর নাঙে মিজেয়ো পিলে ভোরেয়ো,

যিশাইয় 66:20

লগেপ্রভুর নাঙে উৎসর্ব ইজেবে তারা বেক্ জাদ ভিদিরেত্তুন্ তমা ভেইয়ুনোর রথ আর গাড়িত্ গুরিনে আর ঘোড়া, গাধা আর উট্‌টোই মর্ সুদ্ধো-সাংগ মুড়ো যিরূশালেমত্ এবাক্। ইস্রায়েলীয়গুনে যেবাবোত্যে সিজি গোজ্যে পিলে ভিদিরে শোজ্য-উৎসর্বর জিনিস আনন্ সেবাবোত্যেগুরি তারা লগেপ্রভুর ঘরত্ তারারে আনিবাক্।

যিহিষ্কেল 43:11

তারা যুনি তারার্ বেক কামানিত্তে লাজান্ সালে উবোসনা-ঘরর নক্‌শাগানর্ খুদিনাঢি তারারে জানা; তার্ ফ্রেমানি, তার বারেদি যেবার আর ভিদিরে সোমেবার পথ্‌তান, অত্তাৎ তার পুরো আড়ুগ্‌কান্ আর তার্ বেক নিয়ম আর রীদি-সুদোমানি তারা ইধু ফগদাং গর্। সিয়েনর্ বেক্কানি তারা মুজুঙোত্ লেখ্ যেনে তারা সিয়েনর নক্‌শা মজিম্ কাম্ গুরি পারন আর সিয়েনর বেক সুদোমানি মানি চলি পারন্।

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।

মীখা 4:3

তে জাদ্‌তুুনো ভিদিরে বিচের্ গুরি দিবো আর দূরোর্ খেমতাবলা মানুচ্চুনো ভিদিরে মিলেমিলি গুরিবো। তারা তারার্ তলোয়ারানি ভাঙিনে নাঙল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

মীখা 7:17

তারা সাপ আর অন্য বুগেদি-আদন্দে পরাণবলাগুনো ধোক্ক্যেন ধূল্যে খাদোক্। তারা তাম্বুলানিত্তুন্ গির্‌গিরে গির্‌গিরে তমা ইধু, আমা গোজেন লগেপ্রভু ইধু নিগিলি এত্তোক্ আর তরে দরাদোক্।

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

প্রেরিত্‌ 9:1

ইন্দি শৌলে প্রভুর শিচ্চ্যগুনোরে মারে ফেলেব বিলি দর্ দেগার্। দামেস্ক শঅরর্ সমাজ-ঘরানিত্ দিবাত্যে তে দাঙর্ ধর্মগুরুবো ইধু যেইনে চিধিগান চেলঅ। যিদুক্কুন্ মান্‌জ্যে যীশুর পধেদি চলন্, তারা মরদ্ ওক্‌ কি মিলে ওক্‌, তারারে পেলে যেন তারারে বানিনে যিরূশালেমত্ আনি পারে সেই খেমতাগানত্তে তে সেই চিধিগান চেইয়্যে।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

২ পিতর 3:13

মাত্তর্ আমি গোজেনর্ এগেম্ মজিম নুয়ো আগাজ্ আর নুয়ো পিত্‌থিমীগানত্যে বাজ্জ্যেই আঘি। সিয়েনত্ বেক্কানি গোজেনর্ আওজ্ মজিম অবঅ।

ফগদাং পেইয়্যে 14:1

সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।