যিশাইয় 65:24 - Chakma Bible

²⁴ তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

যিশাইয় 65:24 ပူးပေါင်းရင်းမြစ်များ

পত্থম 24:15

তা কধাগান থুম্ অদে ন-অদে রিবিকা কুম্মো করত্‌গুরি শঅরত্তুন্‌ নিগিলি এলঅ। তে অলদে বথূয়েলর ঝি। বথূয়েলে এলঅ অব্রাহামর ভেই নাহোর মোক্কো মিল্‌কার পুয়ো।

২ রাজাবলী 19:20

সেক্কে আমোসর পুয়ো যিশাইয় হিষ্কিয়োর ইদু এ হবরান্‌ পাদেল, ইস্রায়েলর গোজেন লগেপ্রভু কোইয়্যেদে, আসিরিয়ার রাজা সন্‌হেরীব পৌইদ্যেনে তর্‌ তবনাগান্‌ তে শুন্যে।

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

যিশাইয় 58:9

সেক্কে তুমি তবনা গুরিলে মুই জোব্ দিম; তুমি সাহায্যত্তে ডাগিলে মুই কোম্, এইয়্যে দঅ মুই। যুনি তুমি তমাত্তুন্ অত্যেচারীগুনোর জুঙোলানি, ঠাট্টা মজ্‌‍‌কারি আর ইংসেমুলক্ কধাবাত্তানি ছাড়ি দুয়ো,

যিশাইয় 59:1

চঅ, লগেপ্রভুর আঢ্‌‍‌‌‌তান এদক্ বাদি নয়দে যে, তে উদ্ধোর্ গুরি ন-পারে; তা কানান্‌অ এদক্ গুয়োর্ নয় যে, তে ন-শুনে।

দানিয়েল 10:12

তে কুয়ো ধুরিলো, “দানিয়েল, ন-দোরেচ্। পত্তম্ যেদিন্যে তুই দর্শনানর পৌইদ্যেনে বুঝিবাত্তে আর তর্ গোজেন মুজুঙোত্ মনান্ ভাঙিনে দুঘ্ স্বীগের্ গুরিবাত্তে মনান্ থির্ গোজ্যস সেদিন্যে তঅ কধা শুনো ওইয়্যে আর সেনত্তে মুই এচ্চ্যং।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মার্ক 11:24

সেনত্তে মুই তমারে কঙর্, যেক্কেনে তুমি তবনা গরঅ আর কিজু চঅ, বিশ্বেজ্ গোজ্য তুমি সিয়েন পেইয়ো, আর তমাত্তে সিয়েন দিয়্যে অবঅ।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।