যিশাইয় 65:23 - Chakma Bible

²³ তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিশাইয় 65:23 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

ইয়োব 21:8

তারার্‌ চেরোকিত্তে থান্ তারার্‌ পূঅ-ছাগুনে, আর তারার্‌ চোগো মুজুঙোত্‌ থান্ তারার্‌ নাদিন্‌-পুদিনুনে।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 49:4

মাত্তর্ মুই কলুং, “মঅ কামান ন-ফলে; মুই ভান্ন্যেই আজালোই লাভ নেইয়্যে গুরি মঅ বলান্ ফেলেয়োং। তো মর্ যিয়েনি পাওনা সিয়েনি লগেপ্রভুর্ আঢত্ রোইয়্যে, আর মঅ বক্‌‍শিজচান গোজেন ইদু আঘে।”

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিহিষ্কেল 36:29

তমার্ বেক অসিজিগানত্তুন্ মুই তমারে রোক্ষ্যে গুরিম। মুই তমারে বোউত্ খেত্-খেত্তি দিম আর তমা দেজত্ মুই আর ভাদরাত্ ন-পাদেম।

লেবীয় 26:20

সেক্কে তুমি অনত্তক্ কাম গুরিনে মুরিবা; তমার ভূইয়োত্‌ সেক্কে ফসলঅ ন-অবঅ, গাজ-বাজত্‌ গুলোগুলিও ন-ধুরিবাক্।

লেবীয় 26:22

মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

লেবীয় 26:29

সেক্কে পেট পড়ায়্‌ তুমি তমার্‌ ঝি-পূঅগুনোর্‌ য়েরা হেবা।

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

হগয় 2:19

ইক্কিনে হামাক্কায় তমা গোলাঘরত্ কনঅ বীজ নেই আর এদক দিন আংগুর, ডোমোর্, ডালোম আর জলপাই গাজত্ ফল কম ধোজ্যন্, মাত্তর্ এচ্চ্যেত্তুন্ ধুরি মুই তমারে বর্ দিম।’ ”

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

গালাতীয় 3:29

তুমি যেক্কে খ্রীষ্টর্ ওইয়ো সেক্কে অব্রাহামর্ গুট্টিয়ো ওইয়ো। আর গোজেনে যিয়েনি দিবার এগেম্ অব্রাহাম ইধু গোজ্জ্যে তুমিয়ো সিয়েনির অধিকারী ওইয়ো।