যিশাইয় 65:21 - Chakma Bible

²¹ তারা ঘর্ বানেইনে সিদু বজত্তি গুরিবাক্ আর আংগুর খেত্ গুরিনে সে ফলুন হেবাক্।

যিশাইয় 65:21 ပူးပေါင်းရင်းမြစ်များ

গীতসংহিতা 107:37

তারা খেদত্ বীজ লাগান, আংগুর গাজ্ লাগান, আর বোউত্ খেতখেত্তি ফলান্।

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 32:18

মঅ মানুচ্চুনে সুগে-শান্দিয়্যে থেবার জাগানত্, গমেডালে ঘর-বাড়ি আর যাগুলুক্ নেইয়্যে জিরেবার্ জাগানত্ বজত্তি গুরিবাক্।

যিশাইয় 37:30

ও হিষ্কিয়, তত্তে চিহ্নো অবদে ইয়েন: এ বজর্ নিজে নিজে যিয়েনি জোর্মেবে তুমি সিয়েনি হেবা, আর দ্বি বজরত্ সিয়েনিত্তুন্ যিয়েনি জোর্মেব সিয়েনি হেবা। মাত্তর্ তিন বজরত্ তুমি বীজ্ ফেলেবা আর খেত্-খেত্তি কাবিবা আর আংগুর খেত্ গুরিনে সিয়েনির ফল হেবা।

লেবীয় 25:19

সেক্কে তুমি ভূইয়োত্তুন্‌ পুরো ফসলানি পেবা আর পেট ভুরি হেইনে নিচিদেগুরি সিয়েনত্‌ বজত্তি গুরি পারিবা।

লেবীয় 26:16

সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।