যিশাইয় 65:2 - Chakma Bible

² একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

যিশাইয় 65:2 ပူးပေါင်းရင်းမြစ်များ

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 36:5

ও লগেপ্রভু, তর্ অমকদ কোচ্‌পানা আগাজত্ লুমেগোই; তর্ বিশ্বেজ্‌ছান্ যেনে আগাজত্ লুমেগোই।

গম্ উপদেজ্ 1:24

মুই যেক্কেনে ডাগিলুং সেক্কেনে তুমি মরে এলাফেলা গুরিলে, আত্ বাবেলেয়ো কনজনে সেক্কে মরে শমক্ ন-দিলে।

গম্ উপদেজ্ 16:29

অত্যেচারী মান্‌‌জ্যর জিংকানিগান দেগিনে অন্যগুনে লুভোত্ পড়ন্, আর বজং পধেদি যান।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 30:1

লগেপ্রভু কোইয়্যেদে, “অভিশাব্ দুয়োং সেই একবুচ্চ্যে পুয়োগুনোরে, যিগুনে পরিকল্পনা মজিম্ কাম্ গরন্ মাত্তর্ মঅ পরিকল্পনা মজিম্ নয়। তারা সমাজ্যে বানান্ মাত্তর্ মঅ আত্মাগানর্ আওজ্ মজিম্ নয়। এবাবোত্যেগুরি তারা পাপ উগুরে পাপ বেশ্ গরন্।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 55:8

লগেপ্রভু কত্তে, “মর্ চিদেচজ্জানি তর্ চিদেচজ্জা ধোক্ক্যেন নয়, মঅ পত্‌‍‌‌‍‍‍‍‍থান তমা পথ্‌তান ধোক্ক্যেন নয়। ‍

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিশাইয় 66:18

মুই তারার বেক্ কামানি আর কল্পনার কধাগানি হবর্ পাং। বেক্ জাদ ভাষার মানুচ্চুনোরে এগত্তর্ গুরিবার সময় এচ্চ্যে। তারা এইনে মর্ মহিমাগান দেগিবাক্।”

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিশাইয় 66:4

সেনত্তে মুইয়ো তারা উগুরে সাজার্ বেবস্থাগান্ বেঈ নেযেম্ আর তারা যিয়েনি দরান্ সিয়েনি তারা উগুরে আনিম, কিত্তে মুই ডাগিলে কনজনে জোব্ ন-দুয়োন, মুই কধা কলে কনজনে ন-শুনোন্। মঅ চোগেদি যিয়েনি ভান্ন্যেই সিয়েনি তারা গোজ্যন্, আর মরে যিগুনে অহুজি গরন সেনত্তে তারা বেঈ লোইয়োন।”

যিরমিয় 18:12

মাত্তর্ তারা জোব্ দিবাক, ‘কনঅ লাভ নেই। আমা পরিকল্পনা মজিম আমি চলিবোং; আমি বেক্কুনে নিজোর নিজোর ভান্ন্যেই মনর্ একঘেয়েমিলোই চলিবোং।’ ”

যিরমিয় 3:17

সে অক্তত্ মান্‌জ্যে যিরূশালেমানরে কবাক্ লগেপ্রভুর সিংহাসন, আর লগেপ্রভুরে উবোসনা গুরিবাত্তে বেক্ জাদ্‌‌‌তুনে যিরুশালেমত্ থুবেবাক্। তারার ভান্ন্যেই মনর্ একগেয়েমিলোই আর তারা ন-চলিবাক্।

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিরমিয় 5:23

মাত্তর্ এ মানুচ্চুনোর মনানি এক বুস্যে আর উল্লোমি। তারা ভান্ন্যেই পধেদি যেইয়োন।

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

গণাণা 15:39

সেই ঝালোয়ারানি বাঁনিবা যেনে সিয়েনন্দি চোগ্‌ পুরিলে মর্‌ বেক্‌ উগুমোর্‌ কধানি তমাত্তুন্‌ মনত্‌ পড়ে আর তুমি সিয়েন্‌ মানি চলঅ। সালে তুমি মঅ উগুরে বিশ্বেজ্ ন-রাগেইনে তমার্‌ মনর্ আর চোগোর্‌ কামনা ইদু নিজোরে তুলি ন-দিবা।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

রোমীয় 10:21

মাত্তর্ ইস্রায়েলীয়গুনো পৌইদ্যেনে তে কোইয়্যেদে, “অবাধ্য আর একবুচ্চ্যে মানুচ্চুনো ইন্দি মুই গোদা দিন্নো মঅ আঢ্‌‌‌তানি বাবেই রাগেয়োং।”

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

দ্বি’লম্বর বিররণ 29:19

এধোক্ক্যেন মানুচ্‌ এ শমক্ গোজ্যে কধানি শুনোনার সলাবোত্‌ যুনি নিজোরে ভাগ্যত্যে বিলিনে মনে গরন্‌ আর মনে মনে ভাবে, নিজোর আওজ্ মজিম চুলিলেয়ো তে গমেডালে থেবঅ, সালে তমার বেক্কুনো উগুরে তে দজা ডাগি আনিবো।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।