যিশাইয় 65:15 - Chakma Bible

¹⁵ মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

যিশাইয় 65:15 ပူးပေါင်းရင်းမြစ်များ

গীতসংহিতা 102:8

শত্রুগুনে দিনে-রেদে মরে নিইনে ঠাট্টা-তামাজা ঘরন্; মঅ উগুরে যিগুনে রাগ জুলি আগন্; তারা মঅ নাঙান্ অভিশাব ইজেবে বেবহার গরন্।

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

যিশাইয় 62:2

ও যিরূশালেম, জাদ্‌‍‍তুনে তর্ সততাগান আর বেক্ রাজাগুনে তর্ মহিমাগান দেগিবাক্। তরে এক্কান নুয়ো নাঙে ডাগা অবঅ; লগেপ্রভু সেই নাঙান দিবো।

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিশাইয় 65:22

তারা ঘর্ বানেলে অন্যগুনে আর সিদু বজত্তি ন-গুরিবাক্, বা গাজ্ লাগেলে অন্যগুনে ফল ন-হেবাক্। মঅ মানুচ্চুনোর আয়ুগান এক্কো গাজর্ আয়ুর সং সং অবঅ; মর্ বেঈ লোইয়্যে মানুচ্চুনে ভালোক্ দিন ধুরিনে তারার আঢর্ কাম ফলুন্ ভোগ গুরিবাক্।

যিশাইয় 65:9

মুই যাকোবত্তুন আর যিহূদাত্তুন এক্কো গুট্টি তুলিম; তারা মর্ মুড়ো-মুড়িগুনোর অধিকারি অবাক্। মর্ বেঈ লোইয়্যে মানুচ্চুনে সিয়েনি অধিকার গুরিবাক্ আর মঅ চাগরুনে সিদু বজত্তি গুরিবাক্।

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

যিরমিয় 24:9

মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 26:6

তুমি যুনি এবাবোত্যেগুরি থাগঅ সালেন্ মুই এ ঘরানরে শীলো ধোক্ক্যেন গুরিম আর এমন গুরিম যেনে পিত্‌থিমীর বেক জাদ্‌‌‌‌‌‌‌‌তুনে এ শঅর নাঙান্দোই অভিশাব্ দুয়োন‌‌‌‌‌।’ ”

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

যিরমিয় 29:22

বাবিলোত্ থেইয়্যে যিহূদার বেক বন্দীগুন তারা কধানি ইদোত্ গুরিনে এ অভিশাব্‌পান বেবহার গুরিবাক্, ‘লগেপ্রভু তরে সিদিকিয় আর আহাব ধোক্ক্যেন গোরোক্, যিগুনোরে বাবিল রাজা আগুনোত্ পুজ্যে,’

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

যিরমিয় 44:12

যিহূদার বাদবাগি যিদুক্কুন মানুচ্ মিসরত্ যেইনে বজত্তি গুরিবাক্ বিলিনে ঠিগ্ গোজ্যন্ তারা বিরুদ্ধে মুই এমন বেবস্থা গুরিম যেনে তারা বেক্কুনে মিসরত্ ভস্ত অয়। তারা বেক্কুনে যুদ্ধোত্ ন-অলে ভাদরাদত্ মুড়িবাক্। তারা অবাক্ ঠাট্টা-মশ্‌‌‌‌কারি আর ঈচ্ গরেদে মানুচ্; তারা অবস্থা দেগিনে মানুচ্চুনে আমক্ অবাক্, আর তারা নাঙানিলোই মানুচ্চুনে অভিশাব্ দিবাক।

যিহিষ্কেল 14:8

মুই সে মানুচ্চোর বিপক্ষে থিয়্যেম্ আর তারে এক্কান উদাহরন আর এক্কান দাগঅ কধা ধোক্ক্যেন গুরিম। মঅ মানুচ্চুনো ভিদিরেত্তুন্ মুই তারে কাবি ফেলেম। সেক্কে তুমি হবর্ পেবা যে, মুয়ই লগেপ্রভু।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

মথি লেখ্যে গম্ হবর্ 21:41

সেই ধর্ম-নেতাগুনে যীশুরে কলাক্, “তে সেই পাজি মানুচ্চুনোরে এক্কুবারে ভস্ত গুরিবো আর যে চাষাবলাগুনে তারে সময় মজিম্ ফসলর্ ভাগ্ দিবাক্ তারা ইধু সেই আংগুর খেদ্‌তান বাগা দিবো।”

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

প্রেরিত্‌ 11:26

আর তারে তোগেই পেইনে আন্তিয়খিয়াত্ আনিলো। বার্ণবা আর শৌল এক বজর্ সং মন্ডলী মানুচ্চুনো সমারে মিলিনে বোউত্ মান্‌জ্যরে শিক্ষ্যে দিলাক্। আন্তিয়খিয়াত্ খ্রীষ্ট শিচ্চ্যগুনোরে খ্রীষ্টান নাঙে পত্তমে ডাগা অলঅ।

রোমীয় 9:26

যে জাগানত্ তারারে কুয়ো ওইয়্যে, ‘তুমি মর্ মানুচ্ নয়,’ সিয়েনত্ তারারে জেদা গোজেনর্ পুয়ো বিলিনে ডাগা অবঅ।”

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।