যিশাইয় 65:14 - Chakma Bible

¹⁴ মনত্ হুজি আঘে বিলিনে মঅ চাগরুনে গিদ্ গেবাক্, মাত্তর্ তুমি মনত্ দুঘে কানিবা আর মনানি ভাঙিনে অবিলেচ্ গুরিবা।

যিশাইয় 65:14 ပူးပေါင်းရင်းမြစ်များ

ইয়োব 29:13

মুরি যাদন্ এবাবোত্যে মান্‌‌জেয়ো মরে বর্ দেদন্; রানিমিলেগুনোর মনত্ মুই হুজ-ফুত্তির্ গান যোগেদুং।

গীতসংহিতা 109:28

তারা অভিশাব্ দেদোক্, মাত্তর্ তুই বর্ দে; তারা মঅ বিরুদ্ধে লাগিলে লাজত্ পড়িবাক্, মাত্তর্ তঅ চাগর্‌বো হুজি অবঅ।

গীতসংহিতা 66:4

দুনিয়ের বেক্ মানুচ্চুনে তরে তর্ যগাজ্যে সর্মান দিবাক্; তর্ নাঙে তারা নাঙ্ গিনেদে-গীদ্ গেবাক্; তারা তর্ নাঙ্ গিনেদে গীদ্ গেবাক্।”

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 24:14

তারা রঅ ছাড়িবাক্ আর হুজিয়ে গান গেবাক্। তারা পোজিমেত্তুন্ দাঙর্ দাঙর্ গুরি লগেপ্রভুর মহিমাগানর্ বাঈনী গুরিবাক্।

যিশাইয় 50:11

মাত্তর্ তুমি যিগুনে আগুন জ্বালেয়ো আর বম্বালোই নিজো বেবস্থাগান গোজ্য, তুমি বেক্কুনে যেইনে তমা আগুনো পহর্‌‌‌‌লোই আর বম্বাগুনো পহ্‌‌‌‌রান্দোই আঢ। মঅ আঢত্তুন্ তুমি যিয়েনি পেবা সিয়েনি অলঅ, পিড়েলোই তুমি পড়ি থেবা।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিশাইয় 9:3

তুই সেই জাদ্‌তোরে দাঙর্ গুরিবে‌ আর তারার্ হুজিগানি বাড়েই দিবে; খেত্-খেত্তি কাবিবার অক্তত্ মান্‌জ্যে যেধোক্ক্যেন্ ফুত্তি গরন্, লুদেয়্যে মাল ভাগ্ গুরিবার অক্তত্ যেধোক্ক্যেন্ ফুত্তি গরন্, সেধোক্ক্যেন্ গুরি তারা তঅ মুজুঙোত্ ফুত্তি গুরিবাক্।

যিরমিয় 31:7

লগেপ্রভু কোইয়্যেদে, তুমি যাকোবত্তে হুজি মনে গিদ্ গঅ; বেগত্তুন সেরা জাদত্তে হুজির্ রঅ গরঅ। তুমি নাঙ্ গিনিনে কঅ, ও লগেপ্রভু, তঅ মানুচ্চুনোরে, ইস্রায়েলর বাঁজি থেইয়্যে মানুচ্চুনোরে উদ্ধোর্ গর্।

মথি লেখ্যে গম্ হবর্ 13:42

সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

মথি লেখ্যে গম্ হবর্ 22:13

সেক্কে রাজা চাগরুনোরে কলঅ, ‘ইবের্ আঢ্-টেঙানি বানিনে বারেদি আন্ধারত্ ফেলেই দুয়ো। সেই জাগানত্ মান্‌জ্যে কানাকুদি গুরিবাক্ আর যন্ত্রণালোই দাত্ কামেরেবাক্।’ ”

মথি লেখ্যে গম্ হবর্ 8:12

মাত্তর্ যিগুনোর রেজ্যত্ থেবার কধা তারারে বারেদি আন্ধারত্ ফেলে দিয়্যে অবঅ। সিয়েনত্ মানুচ্চুনে কানাকুদি গুরিবাক্ আর যন্ত্রনায় দাত্ কামারা ধুরিবাক্।”

লূকে লেখ্যে গম্ হবর্ 13:28

যেক্কে তুমি দেগিবা, অব্রাহাম, ইস্‌হাক, যাকোব আর ভাববাদী বেক্কুনে গোজেন রেজ্যত্ আঘন্ আর তমারে বারেদি ফেলেই দিয়্যে ওইয়্যে, সেক্কে তুমি কানাকুদি গুরিবা আর যন্ত্রনায় দাত্ কামেড়েবা।

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।

যাকোব 5:13

তমাত্তুন্ কি কেঅ দুঘোত্ ভুগোর্? তে তবনা গোরোক্। কেঅ কি সুগী?