যিশাইয় 65:13 - Chakma Bible

¹³ সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিশাইয় 65:13 ပူးပေါင်းရင်းမြစ်များ

গীতসংহিতা 34:10

দামারা সিংহগুনোর্ হানার অভাব অয়, তারা পেত্‌ফরায় দুঘ্ পান্; মাত্তর্ যিগুনে লগেপ্রভুর আওজ্ মজিম চলন্ তারার্ ভালেদির্ অভাব ন-অয়।

গম্ উপদেজ্ 13:25

গোজেন ভক্ত মানুচ্চুনে পেট্‌ভরা হান্, মাত্তর্ পাজিগুনে পেট্‌ভরা হেই ন পান।

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 41:18

মুই গাজ্-বাজ্ নেইয়্যে মুড়োগুনো উগুরে গাঙ্ ওইনে বেঈ যেম্ আর কলগর্ নানান জাগাত্ তান্জাং গুরি দিম। মুই ধূল্যেচরত্ পুয়োর্ বানেই দিম, আর শুগুনো মাদিত্ পয়নালা খুলি দিম।

যিশাইয় 42:17

মাত্তর্ যিগুনে বানেয়্যে মূত্তি উগুরে বিশ্বেজ্ গরন, যিগুনে ছাজিনে ঢাল্যে মূত্তিগুনোরে কন্, তুমি আমার দেবেদা, মুই তারারে অমকদ লাজত্ ফেলেইনে ফিরেই দিম্।

যিশাইয় 44:11

যিগুনে মূত্তি লগে থান্ তারারে লাজত্ ফেলা অবঅ; তারার কালিগরুনে মানুচ্ বাদে আর্ কিচ্চু নয়। তারা বেক্কুনে এইনে একসমারে থিয়্যেদোক্; তারা দরে গির্‌গিরেবাক্ আর একসমারে অসর্মান অবাক্।‌‌‌

যিশাইয় 44:9

যিগুনে খোদাই গোজ্যে মূত্তি বানান্ তারা অপদাত্ত; তারার্ এই দামী জিনিস্‌ছানি উপকারী নয়। সেই মূত্তিগুনোর্ তপ্পে ওইনে যিগুনে কধা কন্ তারা চোগ্ কান্‌, কিচ্চু হবর্ ন-পান্; সেনত্তে তারা লাজত্ পড়িবাক্।‌

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 5:13

সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিশাইয় 50:11

মাত্তর্ তুমি যিগুনে আগুন জ্বালেয়ো আর বম্বালোই নিজো বেবস্থাগান গোজ্য, তুমি বেক্কুনে যেইনে তমা আগুনো পহর্‌‌‌‌লোই আর বম্বাগুনো পহ্‌‌‌‌রান্দোই আঢ। মঅ আঢত্তুন্ তুমি যিয়েনি পেবা সিয়েনি অলঅ, পিড়েলোই তুমি পড়ি থেবা।

যিশাইয় 61:7

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিশাইয় 62:9

যিগুনে খেত্-খেত্তি কাবিনে তুবেবাক্ তারা সেই খেত্-খেত্তিগানি হেবাক্ আর লগেপ্রভুরে নাঙ্ গিনিবাক্। যিগুনে আংগুর তুবেবাক্ তারা মর্ সুদ্ধো-সাংগ জাগানর উদোনত্ তার রস্‌চান হেবাক্।” ‌‌‌

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

যিরমিয় 22:22

বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

হোশেয় 4:10

তারা হেবাক্ মাত্তর্ ঈল্ ন-অবঅ; তারা বেভিচের্ গুরিবাক্ মাত্তর্ জনেদি ন-বাড়িবাক্, কিয়া তারা মূত্তি পূজোর্ কারনে লগেপ্রভুরে ছাড়ি যেইয়োন।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”