যিশাইয় 65:11 - Chakma Bible

¹¹ মাত্তর্ তুমি যিগুনে লগেপ্রভুরে ছাড়ি যেইয়ো আর মর্ সুদ্ধো-সাংগ মুড়োবোরে ভুলি যেয়ো, যিগুনে ভাগ্যদেবর্ নাঙে টেবিল সাজেয়ো আর ভাগ্যদেবীর নাঙে মিজেয়ো পিলে ভোরেয়ো,

যিশাইয় 65:11 ပူးပေါင်းရင်းမြစ်များ

২ রাজাবলী 21:3

তা বাপ্পো হিষ্কিয় পূজোর্ যেদক্কানি অজল্‌ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্‌ তারাগুনোরে পূজো আর সেবা গুরিদো।

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

গীতসংহিতা 132:13

লগেপ্রভু সিয়োনানরে বেঈ লোইয়্যে; তাহ্ থেবার জাগানত্তে ইয়েনই তে চেইয়্যে।

গীতসংহিতা 137:5

ও যিরূশালেম, যুনি মুই তরে ভুলি যাং সালে মঅ ডেন্ আঢ্‌তান যেন লুলো ওই যায়।

যিশাইয় 1:28

মাত্তর্ উল্লোমীগুনে আর পাপীগুনে বেক্কুনে একসমারে ভস্ত অবাক্, আর যিগুনে লগেপ্রভুরে ছাড়ি যেইয়োন্ তারা শেজ্ ওই যেবাক্।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিশাইয় 57:13

সাহায্যত্তে যেক্কে তুই কানিবে সেক্কে তর্ তুবেয়্যে মুত্তিগুনে তরে রোক্ষ্যে গোরোদোক্। বোইয়্যেরানে তারারে বেক্কুনোরে বুয়োই নেযেব; চিগোন এক্কো নিযেজে তারারে উড়েই নেযেব। মাত্তর্ যে মানুচ্চো মঅ আশ্রয় নেযায় তে দেজর্ আর মঅ সুদ্ধো-সাংগ মুড়োবোর অধিকার পেবঅ।”

যিশাইয় 65:25

হোক্ক্যে বাঘে আর ভেড়া ছঅ এক সমারে হেবাক্, সিংহ গোরু ধোক্ক্যেন ঘাস হেবঅ আর সাপর্ হানা অবঅ ধূল্যে। সিগুনে মর্ সুদ্ধো-সাংগ মুড়োবোত্ কনঅ জাগাত্ কনঅ খেতি ন-গুরিবাক্ বা ভস্ত ন-গুরিবাক্।”

যিশাইয় 66:20

লগেপ্রভুর নাঙে উৎসর্ব ইজেবে তারা বেক্ জাদ ভিদিরেত্তুন্ তমা ভেইয়ুনোর রথ আর গাড়িত্ গুরিনে আর ঘোড়া, গাধা আর উট্‌টোই মর্ সুদ্ধো-সাংগ মুড়ো যিরূশালেমত্ এবাক্। ইস্রায়েলীয়গুনে যেবাবোত্যে সিজি গোজ্যে পিলে ভিদিরে শোজ্য-উৎসর্বর জিনিস আনন্ সেবাবোত্যেগুরি তারা লগেপ্রভুর ঘরত্ তারারে আনিবাক্।

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 2:28

ও যিহূদা, তুই নিজোত্তে যে দেবদাগুন বানেয়োচ্ তারা সেক্কে কুদু থান্? যেক্কে তুই দজাত্ পড়চ্ সেক্কে যুনি তারা তরে উদ্ধোর গুরি পারন্ সালে তারা এত্তোক্, কিত্তে তর্ যেদক্কানি শঅর্ আঘে সিদুক্কুন দেবেদায়ো আগন্।”

যিরমিয় 7:18

পুয়ো-ছাগুনে দার্‌বো কুড়োন, বাব্‌‌‍‌‍পুনে আগুন জ্বালান্ আর মিলেগুনে মোয়দ্যে মেগন্ আর আগাজ-রানির নাঙে পিধে বানান্। মরে দুঘ্ দিবাত্তে তারা দেব-দেবেদার নাঙে ঢাল্যে-উৎসর্বর অনুষ্ঠান গরন।

দ্বি’লম্বর বিররণ 32:17

তারা ডালি দিলাক্ বজং আত্মাগুনোর নাঙে যিগুনে গোজেন নয়, তারা উৎসর্বর অনুষ্ঠানান্ গুরিলাক নুয়ো দেব-দেবেদাগুনোর নাঙে, যিগুনে বানা কয়েকদিন আগে দেগা দুয়োন, যিগুনোরে তমার পুরোণি মানুচ্চুনে ন-দোরেদাক্‌।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;