যিশাইয় 64:11 - Chakma Bible

¹¹ আমা পুরোণী মানুচ্চুনে যিয়েনত্ তরে নাঙ্ গিনিদাক্ আমা সেই পবিত্র আর বাঈনী গুরিবার তবনা ঘরান আগুনোত্ পুড়ি যেইয়্যে আর আমা গম্ জিনিস যেদক্কানি এলঅ ভস্ত ওই যেইয়্যে।

যিশাইয় 64:11 ပူးပေါင်းရင်းမြစ်များ

১ রাজাবলী 8:14

ইয়েন কোইনে রাজা এগত্তর্‌ ওইয়্যে বেক্‌ ইস্রায়েলীয়গুনোর ইন্দি ফিরি তারারে আশিদ্‌বাদ্ গুরিলো। সেক্কে মানুচ্চুনে থিয়্যেই এলাক্‌।

১ রাজাবলী 8:56

“ধন্য লগেপ্রভু, যিবে তার শমক্ অনুসারে তা মানুচ্‌ ইস্রায়েলীয়গুনোরে জিরেবাত্তে দিয়্যে। তা চাগর্‌ মোশিরে দিইনে তে যেদক্কানি ভালেদি গুরিবার শমক্ গোজ্যে তার এক্কান কধায়ো তে বাদ নঅ-দে।

২ রাজাবলী 25:9

তে লগেপ্রভুর ঘরত্‌, রাজঘরত্‌ আর যিরূশালেমর বেক্‌ ঘরানিত্‌ আগুন্‌ বাজেই দিলো। বেক্‌ আজল্‌ আজল্‌ ঘরানি তে পুড়ি ফেলেল।

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

২ বংশধর 6:4

সে পরেন্দি তে কলঅ, ইস্রায়েলর গোজেন লগেপ্রভুর বাঈনী ওক্‌। তে মঅ বাপ্পো দায়ূদো ইদু নিজোর্‌ মুয়োন্দি যিয়েনি শমক্‌ হেইয়্যে সিয়েনি নিজেই পূরোণ গুরিলো। তে কোইয়্যেদে,

২ বংশধর 7:3

আগুনান্‌ লামি এত্তে দেগিনে আর তবনা-ঘর উগুরে লগেপ্রভুর মহিমা দেগিনে বেক্‌ ইস্রায়েলীয়গুনে পাত্তর্‌লোই বান্যে উদোনত্‌ আদু পাড়ি পড়িনে লগেপ্রভুরে তারার্‌ মন ভোক্তি জানেলাক্‌ আর ইয়েন্‌ কোইনে তারে নাঙ্ গিনিলাক্‌, “তে মংগলময়; তার্‌ কোচ্‌পানাগান্‌ উমরত্তে।”

২ বংশধর 7:6

ধর্মগুরুগুনে তারা জাগানত্‌ যেইনে থিয়্যেলাক্‌ আর লেবীয়গুনেয়ো লগেপ্রভুর নাঙে বাজেবাত্তে বাজানাগুন্‌ লোইনে তারা জাগানত্‌ যেইনে থিয়্যেলাক্‌। লেবীয়গুনোর মুজুঙো-মুজুঙি থিয়্যেইনে ধর্মগুরুগুনে তারার্‌ তূরীগুন্‌ বাজেলাক্‌ আর ইস্রায়েলীয়গুনে বেক্কুনেই থিয়্যেই রলাক্‌। লেবীয়গুনোর এ বাজানাগুন্‌ রাজা দায়ূদে লগেপ্রভুর বাঈনী গুরিবাত্তে বানেয়্যে আর সিগুন যেক্কেনে বাজেদাক্‌ তে লগেপ্রভুরে নাঙ্‌ গিনিনে কদঅ, “তার্‌ কোচ্‌পানাগান্‌ উমরত্তে।”

যিশাইয় 63:18

তর্ সুদ্ধো-সাংগ জাগায়ান কয়েক দিনোত্তে তর্ যুদো গোজ্যে মানুচ্চুনোর আঢত্ এলঅ, মাত্তর্ ইক্কিনে আমা শত্রুগুনে সিয়েন টেঙোই উজ্যন্।

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

আবিলেচ্ 1:7

যিরূশালেমানে তার দুঘোর্ আর ঘুরি বেড়েবার দিনুনোত্ তার পুরোণি দিনোর ধন-সম্পদর কধানি ইদোত্ তুল্যে। তা মানুচ্চুন যেক্কে শত্রু আঢত্ পোজ্যন সেক্কে তারে সাহায্য গুরিবার কনজন ন-এলঅ। তা শত্রুগুনে তাইন্দি রিনি চেইনে তারে ভস্ত গুরিবাত্তে ঠাট্টা-মশ্‌‌‌‌কারি গোজ্যন।

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

আবিলেচ্ 2:7

লগেপ্রভু তার ডালিপূজোবোরে এলাফেলা গোজ্যে, ছাড়ি দিয়্যে তার সুদ্ধো-সাংগ জাগায়ান। তা তাম্বুলানির্ বেক্ দেবালানি তে শত্রুগুনো আঢত্ তুলি দিয়্যে। পরব দিনো ধোক্ক্যেন্‌গুরি শত্রুগুনে লগেপ্রভুর ঘরত্ যগার্ পাত্তন্।

যিহিষ্কেল 24:25

লগেপ্রভু মরে আরঅ কলঅ, “ও মান্‌‌‌‌‌‌‌‌‌‌‌‌জ্যর পুয়োবো, যেদিন্যে মুই তারার্ সেই খেমতার অহংকার, তারার্ হুজি আর বাঈনী গরানা, তারার্ চোগোর্ সুগ, তারার মনর্ চাওয়া আর তারার্ ঝি-পুয়োগুনোরেয়ো নেযেম,

সখরিয় 1:12

সেক্কে লগেপ্রভুর দূত্‌‌তো কলঅ, “ও বেগত্তুন খেমতাবলা লগেপ্রভু, তুই যিরূশালেম আর যিহূদার অন্য শঅরানি উগুরে এই যে সত্তুর বজর্ সং বেজার্ ওই রোইয়োচ্ তারা উগুরে আর কয়দিন তুই মেয়্যে ন-গুরি থেবে?”

মথি লেখ্যে গম্ হবর্ 24:2

সেক্কে যীশু তারারে কলঅ, “তুমি দঅ ইয়েনি বেক্কানি দেগর্, মাত্তর্ মুই তমারে ঘেচ্চেকগুরি কঙর্, ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।