যিশাইয় 63:8 - Chakma Bible

⁸ তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিশাইয় 63:8 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

গীতসংহিতা 106:21

তারার্ উদ্ধোর গুরিয়্যে গোজেনরে তারা ভুলি গেলাক্ যিবে মিসরত্ ভালোক্কানি দাঙর্ কাম গোজ্যে।

যাত্রা 14:30

লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

যাত্রা 24:7

সে পরেদি তে সুদোম-লেখ্যে বোইবো নেযেইনে মানুচ্চুনোরে পোড়েই শুনেল। ইয়েনর জোবত্‌ মানুচ্চুনে কলাক্, “আমি বাধ্য থেবং আর লগেপ্রভু যিয়েনি যিয়েনি কোইয়্যে সিয়েনি বেক্কানি পালন গুরিবোং।”

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 19:20

ইয়েনি অবঅ মিসর দেজত্ বেগত্তুন্ খেমতাবলা লগেপ্রভুর নাঙে এক্কান চিহ্নো আর সাক্ষি। তারার্ অত্যেচার গুরিয়্যেগুনোর্ কারনে তারা যেক্কে লগেপ্রভু ইদু কানিবাক্ সেক্কে তে তারা ইদু এক্কো উদ্ধোর্ গুরিয়্যে আর রোক্ষ্যেগুরিয়্যে পাধেই দিবো আর তে তারারে উদ্ধোর্ গুরিবো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 51:4

ও মর্ মানুচ্চুন্, মঅ কধাগান শুনো, মঅ কধানি কান্ পাদঅ। মঅ ভিদিরেত্তুন্ উগুম এবঅ; মুই মর্ ন্যায়বিচেরান থিদেবর্ গুরিম যেনে অন্য জাদ্‌তুনে পহর্ পান।‌

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

যিশাইয় 60:16

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

যিশাইয় 64:9

ও লগেপ্রভু, তুই এদক্ বেশ্ রাগ ন-গুরিচ্; আমা পাপ্‌পানি জনম্মো ইদোত্ ন-রাগেচ্। আমি কোজোলি গুরির্, তুই আমা ইন্দি রিনি চাহ্, কিত্তে আমি বেক্কুনে তঅ মানুচ্।‌

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

সফনিয় 3:7

মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

রোমীয় 11:28

গম্ হবর্ ইন্দিত্তুন্ তমার্ ভালেদিত্তে তারা ইক্কিনে গোজেনর্ শত্রু। মাত্তর্ গোজেনর্ বেঈ লয়দ্যে ইন্দিত্তুন্ পূরোণি মানুচ্চুনোত্তে তারা গোজেনর্ কোচ্‌‌পেইয়্যে মানুচ্।

ইফিষীয় 4:25

ইয়েনত্যে তুমি মিজে কধা ছাড়ি দুয়ো আর একজন আরেকজন ইধু সত্য কধা কঅ, কিয়া আমি বেক্কুনে একজন আরেকজন সমারে এগত্তর্।

দ্বি’লম্বর বিররণ 32:5

তা উগুরে তার মানুচ্চুনে ভান্ন্যেই বেবহার গোজ্যন্‌। তারার মনর্ কুজুরোমিত্যেই সিগুনে আর তার পূঅ নয়।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

কলসীয় 3:9

একজন আরেকজন ইধু মিজে কধা ন-কোইয়ো, কিয়া তমার পুরোণি “মুই” তার্ কাম সমত্ কাবড় ধোক্ক্যেন ঝারি ফেলেইনে তুমি দঅ নুয়ো “মুই” উজ্জ্য। এই নুয়ো “মুই” আরঅ নুয়ো অদে অদে তার্ সৃট্টিগুরিয়্যেবো ধোক্ক্যেন অর্, যেন সেই সৃট্টিগুরিয়্যেবোরে তুমি গমেডালে জানি পারঅ।

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।