যিশাইয় 63:6 - Chakma Bible

⁶ মুই অমকদ বেজার্ ওইনে জাদ্‌‌‍তুনোরে টেঙোই মারিলুং; মর্ রাগে তারারে মাত্তল মান্‌‌‍জ্য ধোক্ক্যেন গুরিলুং আর মাদিত্ তারার লো-নি ঢালি দিলুং।”

যিশাইয় 63:6 ပူးပေါင်းရင်းမြစ်များ

ইয়োব 21:20

তে নিজো চোগেদি নিজোর ভস্ত অনাগান্ দেগোক্‌; তে বেগত্তুন্‌ খেমতাবলা গোজেনর রাগ্‌কান্‌ হেই চোগ্‌।

গীতসংহিতা 60:3

তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 75:8

লগেপ্রভুর আঢত্ এক্কো গলস আঘে, সিয়েনত্ ফেনা উত্যে মজলা মিজেয়্যে আংগুর-রস আঘে। তে সেই গলস ইত্তুন ঢালি দে; পিত্‌থিমীর বেক পাজি মানুচ্চুনে সিবের্ তলাগান সং হেই পেবাক্।

যিশাইয় 22:5

বেগত্তুন্ খেমতাবলা প্রভু লগেপ্রভুত্তুন্ দর্শন-কলগত্ অমকদ দর্‌গরেপারা, টেঙোই মাড়িবার আর যাগুলুগোর এক্কো দিন এচ্চ্যে। সিবে দেবালান্ ভাঙি ফেলেবার আর মুড়ো-মুড়ি ইদু কানিবার্ এক্কো দিন।‍‍

যিশাইয় 29:9

তুমি আমক্ ওইয়ো; চোগ্ খাদিনে কান্ মান্‌জ্য ধোক্ক্যেন অ; মাত্তল্ অ, মাত্তর্ আংগুর-রস হেইনে নয়; দুলি পড়, মাত্তর্ মদ হেইনে নয়;

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 34:7

সিগুনো লগে ঝার গোরু, বলদ গোরু আর দাঙর্ দাঙর্ গোরু কাবা অবঅ। তারা দেজ্‌ছান লো-লোই ভিজি যেবঅ, আর তেলানি ধূল্যেলোই নাঢা যেবঅ।‌

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিরমিয় 13:13

সালে তুই তারারে কবে, লগেপ্রভু কোইয়্যেদে, ‘যিগুনে এ দেজত্ বজত্তি গরন, অত্তাৎ দায়ূদোর সিংহাসনত্ বোস্যে বেক্ রাজাগুনোরে, ধর্মগুরুগুনোরে, ভাববাদীগুনোরে আর যিরূশালেমত্ বজত্তি গুরিয়্যে বেক্কুনোরে মুই মাত্তল্ গুরি থোম্।‌

আবিলেচ্ 3:15

তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।

ফগদাং পেইয়্যে 16:6

এ মানুচ্চুনে গোজেন মানুচ্চুনোরে আর ভাববাদীগুনোরে খুন গোজ্জ্যে। সেনত্যে তুই তারারে এ লো-গান হেবাত্যে দুয়োচ্ আর ইয়েনই তারাত্যে যগাজ্জ্যে ওইয়্যে।”

ফগদাং পেইয়্যে 18:21

যেরেদি এক্কো বোলী স্বর্গদূতে দাঙর্ এক্কো পাত্তর্ লোইনে সাগরত্ ফেলেই দিইনে কলঅ, “এবাবোত্যেগুরি সেই নাঙ্-গোজ্জ্যে বাবিল শঅরানরে ফেলেই দিয়্যে অবঅ। তারে আর কনদিনঅ পাহ্ ন-যেবঅ।