যিশাইয় 63:5 - Chakma Bible

⁵ মুই রিনি চেলুং, মাত্তর্ সাহায্যগুরিয়্যে কাররে ন-পেলুং; মুই আমক্ অলুং, কনজনে মরে সাহায্য ন-গুরিলো। সেনত্তে মুই নিজো খেমতালোই উদ্ধোরর্ কামানি গুরিলুং, আর মঅ রাগ্‌কানে মরে উচ্চোমি দিলো। ‌‍

যিশাইয় 63:5 ပူးပေါင်းရင်းမြစ်များ

গীতসংহিতা 107:12

সেনত্তে তে জদবদে কাম গুরিনে তারার বাড়্‌বো গরানাগানি ভাঙি দিলো; তারা উজোত্ হেলাক্, বলদিয়্যে কনজন ন-এলাক্।

গীতসংহিতা 22:11

তুই মত্তুন্ দূরোত্ ন-থেচ্, কিত্যে মঅ দযাগান্ ঘোনেই এচ্ছ্যে, মরে বল্‌‌দিয়্যে কনজন নেই।

গীতসংহিতা 44:3

তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গীতসংহিতা 94:16

কন্না মর্ পক্ষ ওইনে পাজিগুনোর বিরুদ্ধে কধা কবঅ? মর্ পক্ষ ওইনে অন্যেয়গুরিয়্যেগুনোর বিরুদ্ধে কন্না কধা কবঅ?

গীতসংহিতা 98:1

তুমি লগেপ্রভুর নাঙে নুয়ো গীদ্ গঅ, কিত্তে তে ভালোক্কানি আমক্ অবার কাম গোজ্যে; তার খেমতা, অয়, তার পবিত্র দাঙর্ খেমতালোই তে উদ্ধোর্ গোজ্যে।

যিশাইয় 40:10

চঅ, প্রভু লগেপ্রভুর খেমতালোই এজের্, তার খেমতাবলা আঢ্‌তান তার ওইনে রাজাগিরি গরের্।‌ চঅ, বক্‌শিজ্‌‌‌চান তা সমারে আঘে, তার পাওনাগান তাইদু আঘে।

যিশাইয় 41:28

মুই রিনি চেলুংগে, কনজনে নেই; সল্লা দিবাত্তে তারা ভিদিরে কনজন নেই, তারারে পুযোর্ গুরিলে জোব্ দি পারন্।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

যোহন 16:32

চঅ, সেই সময়ান্ এজের্, এন্‌ কি লুম্মেগি, যেক্কে তুমি দল-নেইয়্যে ওইনে মরে গায় গায় ফেলেইনে যে যার্ জাগাত্ যেবাগোই। তো মুই গায় গায় নয়, কিয়া বাবা মঅ সমারে সমারে আঘে।

১ করিন্হীয় 1:24

মাত্তর্ যিহূদী ওক্‌ আর গ্রীকই ওক্‌, গোজেনে যিগুনোরে ডাক্ক্যে তারা ইধু সেই খ্রীষ্টই গোজেনর্ খেমতা আর গোজেনর্ জ্ঞান।