যিশাইয় 63:17 - Chakma Bible

¹⁷ ও লগেপ্রভু, তঅ পথ্‌তান ছাড়িনে কিত্তে আমারে ঘুরি ঘুরি বেড়েবাত্তে দুয়োর্? আমি যেন তরে ভোক্তিবলা ন-দোরেই সেনত্তে কিত্তে তুই আমা মনানি দরমর গরর্? তঅ চাগরুনোত্তে, অত্তাৎ যে গুট্টিগুন তর্ অধিকার, তারাত্তে তুই ফিরি আয়।‌

যিশাইয় 63:17 ပူးပေါင်းရင်းမြစ်များ

গীতসংহিতা 119:10

মুই মনদি তরে বিজিরে চাঙর্ তরে জানিবাত্তে মনান্ আওজ্ গরের্; তর্ উগুমোর্ বারেন্দি যেবাত্তে মরে ন-দিচ্।

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

গীতসংহিতা 141:4

মঅ মনানরে কনঅ ভান্ন্যেই জিনিজোন্দি ঠিলি ন-দিচ্, যেনে অন্যেয়গুরিয়্যেগুনো সমারে ভান্ন্যেই কামত্ ন-মিজেং; তারার গম্ গম্ হানানি যেন মুই ন-হাং।

গীতসংহিতা 80:14

ও বেগত্তুন্ খেমতাবলা গোজেন, তুই ফিরি আয়; স্বর্গত্তুন্ তুই রিনি চাহ্ আর এ আংগুর লুদিগান দেগাশুনো গর্,

গীতসংহিতা 90:13

ও লগেপ্রভু, আর কয়দিন? এবেরা তুই ফিরি চাহ্, তর্ চাগরুনো উগুরে তুই মেয়্যে দেগা।

যাত্রা 11:10

এ আমক্‌ অবার কামানি মোশি আর হারোণে ফরৌণ মুজুঙোত্‌ গুরিলাক্, মাত্তর্‌ লগেপ্রভু ফরৌণ মনান্‌ দর গুরি দিলো বিলিনে তে তার্‌ দেজছানত্তুন্‌ ইস্রায়েলীয়গুনোরে যেবাত্তে ন-দিলো।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যিশাইয় 19:25

বেগত্তুন্ খেমতাবলা লগেপ্রভু তারারে ইয়েন কোইনে বর্ দিবো, “মঅ মানুচ্চুনে মিসর, মঅ আঢে বানেয়্যে আসিরিয়া আর মর্ অধিকার ইস্রায়েলে বর্‌‌‌পেইয়্যে ওক্‌।”

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 30:28

তা নিজেস্‌চো যেন জুরে এচ্চ্যে গঙার পানি যিয়েন মান্‌জ্যর গত্তনা সং উদে। তে বেক্ জাদ্‌‍‌‍‌‌তুনোরে ভস্তর্ চালোন্দোই চালেব আর বেক্ জাদর্ মানুচ্চুনোর মুয়োত্ এমন্ মোগোনি খাজা দিবো তারারে ভস্ত অনাগানর্ ইন্দি টানি নেযেব। ‍‌

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

আবিলেচ্ 3:9

গুয়োর্ গুয়োর্ পাত্তর্‌লোই তে মঅ পথ্‌তান নাঢি দিয়্যে; মঅ পথ্‌তান তে বেঙা গুরি দিয়্যে।

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

সখরিয় 1:12

সেক্কে লগেপ্রভুর দূত্‌‌তো কলঅ, “ও বেগত্তুন খেমতাবলা লগেপ্রভু, তুই যিরূশালেম আর যিহূদার অন্য শঅরানি উগুরে এই যে সত্তুর বজর্ সং বেজার্ ওই রোইয়োচ্ তারা উগুরে আর কয়দিন তুই মেয়্যে ন-গুরি থেবে?”

গণাণা 10:36

যেক্কে সিবে থামেদ সেক্কে তে কদঅ, ও লগেপ্রভু, গুণি নপুড়েইয়্যে ইস্রায়েলীয়গুনো ইদু তুই ফিরি আয়্‌।

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।