যিশাইয় 63:13 - Chakma Bible

¹³ যিবে বড়্ সাগর ভিদিরেদি তারারে নেযেয়্যে তে কুদু? সেনত্তে ধূল্যেচরত্ বেড়েয়্যে ঘোড়া ধোক্ক্যেন তারা উজোত্ ন-হান্।

যিশাইয় 63:13 ပူးပေါင်းရင်းမြစ်များ

গীতসংহিতা 105:37

তে সনা-রূবো সুদ্ধো ইস্রায়েলীয়গুনোরে নিগিলেই আনিলো; তারা গুট্টিগুনোত্তুন্ কনজনে বল্ পোজ্যে ন-অন।

গীতসংহিতা 106:9

তার উগুমে লোহিত সাগরান্ শুগেই গেলঅ; তে ধূল্যেচর-চাগালান্দি যাইদ্যে ধোক্ক্যেন গুরি গভিন্ সাগর ভিদিরেন্দি তারারে নেযেল।

গীতসংহিতা 119:165

যিগুনে তর্ উগুমানি গম্ পান তারা অমকদ সুগ-শান্দি পান্; কনঅ কিজুত্ তারা উজুদো ন-হান্।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

গম্ উপদেজ্ 3:23

সেক্কে তুই গমেডালে তঅ পধেদি যেই পারিবে, তঅ টেঙত্ উজোত্ ন-লাগিবো।

যিরমিয় 31:9

তারা কানি কানি এবাক্; মুই যেক্কে তারারে ফিরেই আনিম সেক্কে তারা তবনা গুরি গুরি এবাক্। সং পধেদি মুই পানি গঙার ইন্দি তারারে আনিম; সিয়েনত্ তারা উজোত্ ন-হেবাক্, কিত্তে মুই ইস্রায়েলর, অত্তাৎ ইফ্রয়িমর বাপ্ আর তে মর্ পোইল্যা পুয়োবো।

যিহিষ্কেল 36:15

জাদ্‌‌‌‌‌‌তুনোর্ ঠাট্টা-মশ্‌‌‌‌‌‌কারী আর তরে শুনিবাত্তে ন-দিম্ আর তারার অগমান গরানা আর তত্তুন্ সোজ্য গরা ন-পুরিবো। তত্তে তঅ জাদর্ মানুচ্চুনে আর উজোত্ ন-হেবাক্। মুই প্রভু লগেপ্রভু এ কধাগান কঙর্।’ ”

হবক্‌‌‌‌কূক 3:15

তর্ পরিচালনায় ঘোড়াগুনে সাগর ইন্দি গেলাক্ আর দাঙর্ পানি গঙারানরে উলোট-পালোট্ গুরিলো।