যিশাইয় 63:10 - Chakma Bible

¹⁰ তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিশাইয় 63:10 ပူးပေါင်းရင်းမြစ်များ

পত্থম 6:6

সেনে লগেপ্রভু মনত্‌ দুখ্‌ পেলঅ। তে পিতথিমীয়ানত্‌ মানুচ্‌ বানেয়্যে বিলি দুখ্‌ পেইনে কলঅ, “মর্ বানেয়্যে মানুচ্চুনোরে মুই পিত্‌থিমীগান উগুরেত্তুন্ তুলি দিম; আর তা লগে বেক পরাণবলাগুন, বুগেদি-আঢি বেড়েয়্যে প্রাণী আর আগাজ পেক্কুনো তুলি দিম্‌ । ইগুনোরে বানেয়োং বিলিনে মঅ মনত্‌ কষ্ট অর্‌।”

২ বংশধর 12:2

লগেপ্রভুর উগুরে অবিশ্বেজ্‌ অনায় রাজা রহবিয়ামর রাজাগিরির পাচ্ বজরত্‌ মিসর রাজা শীশকে যিরূশালেমান আক্রমণ গুরিলো।

নহিমিয় 9:26

মাত্তর্‌ তো তারা অবাধ্য ওইনে তঅ বিরুদ্ধে উল্লোমি গোজ্যন্‌; তর্‌ রীদি-সুুদোম তারা ছাড়ি যেইয়োন। তর্‌ যে ভাববাদীগুনে তারারে উজিয়ার্‌ গুরিদাক্‌ যেনে তারা তইন্দি ফিরি এজন্‌ সে ভাববাদীগুনোরে তারা মারে ফেল্যন; তারা তরে অমকদ অগমান গোজ্যন।

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

গীতসংহিতা 106:33

তারা গোজেন আত্মার বিরুদ্ধে উল্লোমি গোজ্যন্, সেক্কে মোশি মুয়োত্তুন্ এমন্ কধা নিগিলিলো যিয়েনি কনা তার ঠিগ্ ন-এলঅ।

গীতসংহিতা 107:11

কিত্তে তারা গোজেন কধার বিরুদ্ধে উল্লোমি গুরিদাক্, গোজেনর সল্লানি তারা তুচ্ছো গুরিদাক্।

গীতসংহিতা 51:11

তঅ মুজুঙোত্তুন্ মরে দূর্ গুরি ন-দিচ্; মঅ ভিদিরেত্তুন্ তর্ সুদ্ধো-সাংগ আত্মাগানরে ন-নেযেচ্।

গীতসংহিতা 78:17

মাত্তর্ তারা তা উল্লোমি গুরিনে পাপ গরা ধুরিলাক্; দাঙর্ গোজেন বিরুদ্ধে ধূল্যেচর চাগালাত্ উল্লোমি গুরিলাক্।

গীতসংহিতা 78:21

এ কধাগান শুনিনে লগেপ্রভু রাগে ফুলি উদিলো। যাকোব বিরুদ্ধে তা মনত্ আগুন জুলি উদিলো, ইস্রায়েলর বিরুদ্ধে তা রাগ্‌কান জাগি উদিলো;

গীতসংহিতা 78:40

ধূল্যেচর-চাগালাত্ কয়বার তা বিরুদ্ধে তারা উল্লোমি গোজ্যন্, সেই ধূল্যে ভূইয়োত্ কয়বার তারে দুঘ্ দুয়োন।

গীতসংহিতা 78:49

তে তারার বিরুদ্ধে তার জোল্‌জোল্যে অমকদ রাগ্‌কান্ আর দুঘ্-কষ্ট পাধেই দিলো; সিগুন অলাক্ ভস্তর কামত্ নেযেয়্যে একদল দূত।

গীতসংহিতা 78:56

মাত্তর্ তো তারা দাঙর্ গোজেনরে জগা চেলাক্ আর তা বিরুদ্ধে উল্লোমি গুরিলাক্; তা উগুমান তারা ন-পালেলাক্।

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

যাত্রা 15:24

সেক্কে মানেইয়ুনে তোস্যে পেইনে মোশিরে কলাক্‌, “ইক্কিনে আমি হেবার্‌ পানি কুদু পেবং?”

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

যাত্রা 23:21

তুমি তার্‌ কধা শুনিবা আর সিয়েন মানি চুলিবা। তুমি তা বিরুদ্ধে মনানি ঝাগুলুক্ ন-গোজ্য। তমা উল্লোমিগানি তে মাপ্‌ ন-গুরিবো, কিত্তে মুয়ই তা সমারে আগং।

যাত্রা 32:8

এ ভিদিরে তারা মর্‌ উগুমোত্তুন্‌ দূরোত্‌ সুরি যেইয়োন্। তারা নিজোত্তেই গোরু ছঅ ধোক্ক্যেন এক্কো মূত্তি বানেয়োন। তারা মাদিত্‌ পুরিনে সিবেরে পূজো গোজ্যন্‌ আর সিবের্‌ নাঙে য়েমান্‌-উৎসর্ব গুরিনে কোইয়োন, ভেইলক্‌, ইবে ভিদিরে আগন্‌ তমা দেব-দেবেদাগুন্‌। এই দেব-দেবেদাগুনে মিসর্‌ দেজত্তুন্‌ তমারে নিগিলেই আন্যন্‌।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিশাইয় 65:2

একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

যিরমিয় 21:5

মর্ খেমতাবলা আঢ্‌তান বাবেই দিইনে মুই অহুজি ওইনে, রাগে অমকদ উবোল্‌পাল্ ওইনে নিজেই তঅ বিরুদ্ধে যুদ্ধো গুরিম।‌

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 32:30

ইস্রায়েল আর যিহূদার মানুচ্চুন চিগোনত্তুন্ ধুরি মঅ চোগেদি বানা ভান্ন্যেই কাম বাদে কিচ্চু ন-গরন; ঘেচ্চেকগুরি ইস্রায়েলর মানুচ্চুনে তারার আঢে বানেয়্যে জিনিস্‌‌চোই মরে বানা অহুজি গোজ্যন্।

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

আবিলেচ্ 1:20

ও লগেপ্রভু, চাহ্, মুই কেধোক্ক্যেন দুঘ্ পাঙর্! মঅ ভিদিরেয়ো যন্ত্রণা অর্। মঅ মনান্ যাগুলুগ্ ওইয়্যে, কিত্যে মুই অমকদ উল্লোমী ওইয়োং। শঅর বারেদি তলোয়ারানিয়ে পরাণানিরে নেযার্, আর ভিদিরে আগেদে বানা মরণান্।

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 2:3

তে কলঅ, “ও মান্‌‌‌জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্।

যিহিষ্কেল 2:7

তারা উল্লোমী বিলিনে মঅ কধা নয়ো শুনি পারন্, মাত্তর্ তারা শুনোদোক্ বা ন-শুনোদোক্ তুই তারা ইধু মঅ কধানি কবে।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

যিহিষ্কেল 6:9

সেই বেক্ জাদ্‌তুনো ভিদিরেত্তুন্ তারা মঅ পৌইদ্যেনে এ কধাগান মনে গুরিবাক্ যে, তারার্ অবিশ্বেজি মনানি আর চোগ্‌কুন্দোই মরে কিবাবোত্যেগুরি দুঘ্ দুয়োন; সেই মনান্ মত্তুন্ সুরি যেইয়্যে আর সেই চোগ্‌কুনে তারার্ মূত্তিগুনোরে আওজ্ গুরি কামনা গত্তন্। তারার্ বেক ভান্ন্যেই আর জঘন্য কামানিত্তে তারা নিজেরে নিজে ঘিনেবাক্।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

প্রেরিত্‌ 7:42

মাত্তর্ গোজেনে মুয়োন্ ফিরেল আর আগাজর্ চানানরে-বেলানরে-তারাগুনোরে পূজিবাত্তে তারারে ফেলেই রাগেল। এই একই কধাগান ভাববাদীগুনোর বোইবোত্ লেগা আঘে- ও ইস্রায়েলর মানুচ্চুন, ধূল্যেচর-চাগালাত্ সেই চল্লিশ বজর্ তুমি কি মঅ নাঙে কনঅ য়েমান বা অন্য কনঅ জিনিস্ উৎসর্ব গোজ্য?

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

দ্বি’লম্বর বিররণ 1:26

মাত্তর্‌ তুমি সেই দেজত্‌ যেবাত্তে ন চেলা। তুমি তমার্‌ গোজেন লগেপ্রভুর উগুমোর্‌ বিরুদ্ধে থিয়্যেলা।

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।

যিহোশূয় 22:15

তারা গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মান্‌জ্য ইদু যেইনে কলাক্‌,