যিশাইয় 62:9 - Chakma Bible

⁹ যিগুনে খেত্-খেত্তি কাবিনে তুবেবাক্ তারা সেই খেত্-খেত্তিগানি হেবাক্ আর লগেপ্রভুরে নাঙ্ গিনিবাক্। যিগুনে আংগুর তুবেবাক্ তারা মর্ সুদ্ধো-সাংগ জাগানর উদোনত্ তার রস্‌চান হেবাক্।” ‌‌‌

যিশাইয় 62:9 ပူးပေါင်းရင်းမြစ်များ

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিশাইয় 65:21

তারা ঘর্ বানেইনে সিদু বজত্তি গুরিবাক্ আর আংগুর খেত্ গুরিনে সে ফলুন হেবাক্।

যিশাইয় 65:22

তারা ঘর্ বানেলে অন্যগুনে আর সিদু বজত্তি ন-গুরিবাক্, বা গাজ্ লাগেলে অন্যগুনে ফল ন-হেবাক্। মঅ মানুচ্চুনোর আয়ুগান এক্কো গাজর্ আয়ুর সং সং অবঅ; মর্ বেঈ লোইয়্যে মানুচ্চুনে ভালোক্ দিন ধুরিনে তারার আঢর্ কাম ফলুন্ ভোগ গুরিবাক্।

যিরমিয় 31:5

শমরিয়ার মুড়োবোত্ আরঅ তুই আংগুর খেত্ গুরিবে; যিগুনে খেত্ গুরিবাক তারা সিয়েনর ফলুন হেবাক্।

যিহিষ্কেল 40:14

তে গেদোর্ খুদো দ্বিবের্ অজলান্ ষায়েট্ আত্ গুরি ধুরিলো। খুদো দ্বিবেত্তুন্ গেদোর্ উদোনান্ আরাম্ভ ওইয়্যে।

যোয়েল 2:26

তুমি পেট্ ভুরি হেইনে ঈল্ অবঅ আর তুমি তমার্ গোজেন লগেপ্রভুর বাঈনী গুরিবা যিবে তমাত্তে আমক্ আমক্ অইদ্যে কাম গোজ্যে; মঅ মানুচ্চুনে আর কনদিন্‌অ ন-লাজেবাক্।

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:14

তুমি, তমার ঝি-পূঅগুনে, তমা চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, মা-বাব্ নেইয়্যে ঝি-পূঅগুনে আর রানিমিলেগুনে-তুমি বেক্কুনে এ পরপ্পোত্‌ ফুত্তি গুরিবা।