যিশাইয় 62:6 - Chakma Bible

^6-7 ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিশাইয় 62:6 ပူးပေါင်းရင်းမြစ်များ

পত্থম 32:12

মাত্তর্‌ তুই দঅ কোইয়োচ্‌, মুই হামাক্কায়্‌ তরে ভালেদ্ গুরিম আর তঅ বংশর্‌ মানুচ্চুনোরে সাগর পার ধুল্যেচর ধোক্ক্যেন গুরিম্‌ যিগুন্‌ গুণিনে শেজ্ গরা ন-যায়।

পত্থম 32:26

সেক্কে সে মানুচ্চো কলঅ, “বেন্যে পহ্‌র ওই এজের্, এবেরা মরে ইরি দুয়ো।” যাকোবে কলঅ, “মরে বর্ ন-দেনা সং মুই তরে ন-ছাড়িম।”

২ বংশধর 8:14

তা বাপ্পো দায়ূদোর উগুম্‌ মজিম তে ধর্মগুরুগুনোর কামানি গুরিবাত্তে তারারে নানান্‌ দলত্‌ ভাগ গুরিনে কামত্‌ নেযেল আর পত্তিদিনোর্‌ কাম্‌ মজিম নাঙ্ গিনেদে-গান গুরিবার আর ধর্মগুরুগুনোরে বল্‌ দিবাত্তে তে লেবীয়গুনোরে নেযেল। পত্তি গেদোট্টে তে রক্ষীগুনোর্‌ দল্‌ মজিম কামত্‌ লাগেল, কিত্যে এধোক্ক্যেন গুরিনে গোজেনর মানুচ্‌ দায়ূদে উগুম্‌ দি যেইয়্যে।

গীতসংহিতা 122:7

সিয়েনর চেরোকিত্তে দেবাল ভিদিরে সুগ্-শান্দি থোক্, আর সিয়েনর রাজঘর বিল্ডিঙো ভিদিরে ভালেদি থোক্।”

গীতসংহিতা 74:18

ও লগেপ্রভু, পুরি ন-ফেলেচ্ শত্রুগুনে তরে নিইনে ঠাট্টা-তামাজা গোজ্যন্, বাজে-বিবেকবলা মানুচ্চুনে তর্ নাঙান অগমান গোজ্যন্।

গীতসংহিতা 74:2

ইদোত্ তুলি চাহ্ তর্ সেই মানুচ্চুনোর কধানি যিগুনোরে তুই ভালোক্ দিন আগে তঅ মানুচ্ ইজেবে নেযেয়োচ্, যে বংশবোরে তুই তর্ অধিকার ইজেবে উদ্ধোর গুরি আন্যচ্। ইদোত্ তুলি চাহ্ সেই সিয়োন মুড়োবোর কধা যিয়েনরে তুই তর্ থেবার জাগা ইজেবে বানেয়োচ্।

পরমগীত 3:3

চুগিদারুনে শঅরত্ ঘুরি ঘুরি চুগি দিবার্ সময়োত্ মরে দেগিলাক্। মুই তারারে পুযোর্ গুরিলুং, “তুমি কি মঅ পরাণর্ কোচ্‌‌‌‌পানাগানরে দেখ্য?”

পরমগীত 5:7

চুগিদারুনে শঅরত্ ঘুরি ঘুরি চুগি দিবার্ অক্তত্ মরে দেগিলাক্; তারা মরে পিদিলাক্, সেক্কে কালাদাগ্ পড়িলো; শঅর-দেবাল চুগিদারুনে মঅ কিয়্যে কাবড়ান্ কাড়ি নিলাক্।

যিশাইয় 43:26

তঅ বেপারান্ মরে ইদোত্ তুলি দে; এজঅ, আমি সিয়েন্দোই তর্কাতর্কি গুরিই। তুই নিজো তপ্পেদি কধা কঅ যেন তরে নিদ্দুযি বিলিনে পরমান্ গরা যায়।

যিশাইয় 49:16

চাহ্, মঅ আঢ পাদানত্ মুই তঅ নাঙান্ লিগি রাগেয়োং; তর্ চেরোকিত্তে দেবালান নিত্য মঅ মুজুঙোত আঘে।

যিশাইয় 52:8

শুন্, তঅ চুগিদারুনে রঅ ছাড়দন্, তারা হুজিয়ে একসমারে কিজিক্ কাজাক্ গরদন্, কিত্তে লগেপ্রভু যেক্কে সিয়োনত্ ফিরি এবঅ সেক্কে তারা নিজো চোগেদি সিয়েনি দেগিবাক্।

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

আবিলেচ্ 5:1

ও লগেপ্রভু, আমা উগুরে যিয়েনি ঘোট্যে সিয়েনি ইদোত্ তুলি চাহ্; তুই রিনি চাহ্, আমা অগমানানি চাহ্।

আবিলেচ্ 5:20

তুই কি উমরত্তে আমারে ভুলি যেবে? এদক্ দিন ধুরিনে কিত্তে তুই আমারে ছাড়িনে আগচ্?

লূকে লেখ্যে গম্ হবর্ 18:39

যে মানুচ্চুনে ভিড়ো মুজুঙোত্ এলাক্ সিগুনে তারে ধমক্ দিইনে অলর্ অবাত্তে কলাক্। মাত্তর্ তে আরঅ রঅ ছাড়িনে কলঅ, “দায়ূদো গুত্তি, মরে দোয়্যে গর্।”

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ থিষলনীকীয় 5:17

নিত্য তবনা গরঅ,

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ফগদাং পেইয়্যে 6:10

তারা দাঙর্ দাঙর্ রঅ ছাড়িনে কলাক্, “ও পবিত্র আর সত্যময় প্রভু, যিগুনে এ পিত্‌থিমীর, তারারে বিচের্ গত্তে আর তারা উগুরে আমার লোর্ হেনা শুজোধে তুই আর কদক্ দেরি গুরিবে?”