যিশাইয় 62:2 - Chakma Bible

² ও যিরূশালেম, জাদ্‌‍‍তুনে তর্ সততাগান আর বেক্ রাজাগুনে তর্ মহিমাগান দেগিবাক্। তরে এক্কান নুয়ো নাঙে ডাগা অবঅ; লগেপ্রভু সেই নাঙান দিবো।

যিশাইয় 62:2 ပူးပေါင်းရင်းမြစ်များ

পত্থম 17:15

গোজেনে অব্রাহামরে আরঅ কলঅ, “তঅ মোক্কো সারীরে আর্ সারী বিলিনে ন-ডাগিবে। তা নাঙান্‌ অবদে সারা।

পত্থম 17:5

তরে অব্রাম (যিয়েনর্‌ ভেদ্‌‌তান ‘দাঙর্‌ বাপ্‌’) বিলিনে আর ডাগা ন-অবঅ, মাত্তর্‌ ইক্কেত্তুন্‌ ধুরি তঅ নাঙান্‌ অবঅ অব্রাহাম (যিয়েনর ভেদ্‌‌তান ‘বোউত্‌ মান্‌জোর্‌ বাপ্‌’); কিত্তে মুই তরে ভালোক্কুন জাদর্‌ আগ বাপ্‌ বানেই রাগেয়োং।

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

গীতসংহিতা 98:2

লগেপ্রভু তার উদ্ধোরর্ কামানি দেগেই দিয়্যে; বেক জাদ্‌তুনোর ইদু তার ন্যায়র কামানি ফগদাং গোজ্যে।

যিশাইয় 1:26

মুই আগ দিনো ধোক্ক্যেন তরে শাজন্‌গুরিয়্যে আর সল্লাদিয়্যেগুনোরে দিম্; সে পরেদি তরে কুয়া অবঅ ন্যায়র শঅর, সতী শঅর।”

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 56:5

মাত্তর্ তারার ঝি-পুয়োগুন থেলে যে নাঙানি থেদঅ তারাত্তুন্ মঅ ঘরান আর দেবাল ভিদিরে তারা নাঙানি থিদেবর্ গুরিনে সিয়েনি মুই আরঅ ইদোত্ থাই পারা রাগেম। মুই তারারে এমন্ উমরর্ নাঙ্ দিম যিয়েনি পুজি ফেলা ন অবঅ।

যিশাইয় 60:11

তঅ গেট্‌তুন নিত্য খুলো থেবঅ,‌‌‌ দিনে-রেদে কনদিন্অ সিগুন বন্ধ ন-থেবাক্ যেন জাদ্‌তুনোর ধন-সোম্বোত্তিগানি মান‌্‌জ্যে তইদু আনি পারন্;‌‌‌ তারার রাজাগুনোরেয়ো আনা অবঅ।

যিশাইয় 60:16

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিশাইয় 62:4

তারা আর্ তরে “ফেলেই যেইয়্যে” ন-কবাক্ বা তঅ দেজ নাঙান “মানুচ্ নেইয়্যে” ন-কবাক্, বরং তরে “মর্ কোচ্‌পেইয়্যে মিলেবো” কুয়ো অবঅ আর তঅ দেজ্‌চানরে “গাবুজ্যে নয়” বিলিনে কুয়ো অবঅ, কিত্তে লগেপ্রভু তরে নিইনে হুজি অবঅ আর তঅ দেজ্‌‌‌চানর মেলা অবঅ।‍‍

যিশাইয় 65:15

মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

যিশাইয় 66:11

তুমি বুগো দুধ হেইনে বুঝ্ পেইয়্যে চিগোন গুরো ধোক্ক্যেন যিরূশালেমর্ ভালেদি ভোগ গুরিনে ঈল্ অবঅ।

যিশাইয় 66:12

লগেপ্রভু কত্তে, “মুই তা ইন্দি গাঙ ধোক্ক্যেন গুরি ভালেদি বুয়োই দিম, আর জাদ্‌তুনোর ধন-সোম্বোত্তিগানি তা ইদু বান পানি ধোক্ক্যেন এবঅ। তুমি এবাবোত্যে চিগোন গুরো ধোক্ক্যেন অবা যিবেরে দুধ হেই হেই করত্ গুরি নেযা অয় আর আঢু উগুরে নাজা অয়। ‌‌

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

প্রেরিত্‌ 11:26

আর তারে তোগেই পেইনে আন্তিয়খিয়াত্ আনিলো। বার্ণবা আর শৌল এক বজর্ সং মন্ডলী মানুচ্চুনো সমারে মিলিনে বোউত্ মান্‌জ্যরে শিক্ষ্যে দিলাক্। আন্তিয়খিয়াত্ খ্রীষ্ট শিচ্চ্যগুনোরে খ্রীষ্টান নাঙে পত্তমে ডাগা অলঅ।

প্রেরিত্‌ 26:23

সেই কধাগান্ অলঅ ইয়েন্, মশীহত্তুন্ দুঘ্ ভুগো পড়িবো আর তার্ মরণত্তুন্ পত্তমে জেদা ওই উদিনে তার্ নিজো জাদর্ মানুচ্চুনো ইধু আর অযিহূদীগুনো ইধু পহ্‌র রেজ্যর্ পৌইদ্যেনে ফগদাং গরা পড়িবো।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।