যিশাইয় 62:12 - Chakma Bible

¹² তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিশাইয় 62:12 ပူးပေါင်းရင်းမြစ်များ

গীতসংহিতা 107:2

লগেপ্রভুর উদ্ধোর্ গোজ্যে মানুচ্চুনে এ কধাগান কোদোক্, কিত্তে তে বিপক্কগুনোর আঢত্তুন্ তারারে উদ্ধোর্ গোজ্যে;

যাত্রা 19:6

মর্‌ এই মানুচ্চুন্দোই বানা পুড়িবোদে মর্‌ ধর্মগুরুগুনোর্‌ রেজ্য আর এ জাদ্‌‌তোই অবঅ মর্‌ নাঙে ফারক্‌ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্‌।”

যিশাইয় 1:27

গোজেনে তার দোল্ বিচের্‌‌লোই সিয়োনানরে উদ্ধোর্ গুরিবো, আর যিগুনে পাপত্তুন্ মনান্ ফিরেবাক্ তারারে উদ্ধোর্ গুরিবো তা গমান্দোই।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 4:3

সেদিন্যে সিয়োনত্ যিগুনে বাগি থেবাক্, অত্তাৎ যিরূশালেমত্ যিগুনে বাঁজি থেবাক্ তারারে পবিত্র বিলিনে ডাগা অবঅ। যিরূশালেমত্ বাঁজি থেবাত্তে সেই মানুচ্চুনোর্ নাঙানি লেগা আঘে।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 51:10

তুই কি সাগরর গভীন্ পানিগান শুগেই ন-ফেলাচ্? তুই কি সাগর ভিদিরে পথ ন-বানাচ্ যেনে তর্ উদ্ধোর গোজ্যে মানুচ্চুনে পার্ ওই যেই পারন্?

যিশাইয় 52:3

প্রভু লগেপ্রভু কত্তে, “তরে এনেবাদে বেজা ওইয়্যে আরঅ এনেবাদে উদ্ধোর্ গরা অবঅ।

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 62:2

ও যিরূশালেম, জাদ্‌‍‍তুনে তর্ সততাগান আর বেক্ রাজাগুনে তর্ মহিমাগান দেগিবাক্। তরে এক্কান নুয়ো নাঙে ডাগা অবঅ; লগেপ্রভু সেই নাঙান দিবো।

যিশাইয় 62:4

তারা আর্ তরে “ফেলেই যেইয়্যে” ন-কবাক্ বা তঅ দেজ নাঙান “মানুচ্ নেইয়্যে” ন-কবাক্, বরং তরে “মর্ কোচ্‌পেইয়্যে মিলেবো” কুয়ো অবঅ আর তঅ দেজ্‌চানরে “গাবুজ্যে নয়” বিলিনে কুয়ো অবঅ, কিত্তে লগেপ্রভু তরে নিইনে হুজি অবঅ আর তঅ দেজ্‌‌‌চানর মেলা অবঅ।‍‍

যিশাইয় 63:18

তর্ সুদ্ধো-সাংগ জাগায়ান কয়েক দিনোত্তে তর্ যুদো গোজ্যে মানুচ্চুনোর আঢত্ এলঅ, মাত্তর্ ইক্কিনে আমা শত্রুগুনে সিয়েন টেঙোই উজ্যন্।

যিশাইয় 65:1

লগেপ্রভু কোইয়্যেদে, মুই এ মানুচ্চুনোরে মইদু কোজোলী গুরিবার সুযোগ দুয়োং, মাত্তর্ তারা মইদু কনঅ কোজোলী ন-জানান্; মুই তারা ইদু এলুং, মাত্তর্ তারা কনঅ সাহায্যত্তে মইদু ন-এজন্। মুই এ জাদর্ মানুচ্চুনোরে কোইয়োং, এইয়্যে দঅ মুই, এইয়্যে দঅ মুই, মাত্তর্ তারা মইদু তবনা ন-গরন্।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 4:23

মাত্তর্ এমন্‌ সময় এজের্, এমন্‌ কি, ইক্কিনে সেই সময় এচ্চ্যে যেক্কে আজল্ উবোসনা গুরিয়্যেগুনে আত্মায় আর সত্যলোই বাবার্ উবোসনা গুরিবাক্। বাপ্পোয়ো এবাবোত্যে উবোসনা গুরিয়্যেগুনোরে তগায়।

দ্বি’লম্বর বিররণ 26:19

তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”

দ্বি’লম্বর বিররণ 28:9

যুনি তুমি তমার গোজেন লগেপ্রভুর উগুমানি পালন গরঅ আর তার পদেন্দি আদঅ সালে তে তার শমক্‌ গোজ্যে এগেম্ মজিম, তার যুদো গোজ্যে জাদ ইজেবে তমারে থিয়্যেবাত্তে দিবো।

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।