যিশাইয় 62:10 - Chakma Bible

¹⁰ তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিশাইয় 62:10 ပူးပေါင်းရင်းမြစ်များ

গীতসংহিতা 24:7

ও শঅরর্ গেট্টুন, তমা মাঢাগুন আরঅ উগুরে তুলো; ও আগঅ দিনোর দোরানি, তমা হুক্‌কুন্ বেক্কুন্ খুলি যাদোক্; বাঈনী গুরিবার রাজাবো ভিদিরে সোমেব।

গীতসংহিতা 68:4

গোজেনর নাঙে গীদ্ গঅ, তার নাঙ্ গিনেদে-গীদ্ গঅ; ধূল্যেচর-চাগালান্দি যিবে রদথ্ চড়িনে এজের্ তাত্তে অজল্ পথ যুক্কোল্ গরঅ; তা নাঙান্ লগেপ্রভু, তা মুজুঙোত্ ফুত্তি গরঅ।

যাত্রা 17:15

পরেদি মোশি এক্কান ডালিপূজো বানেইনে তার্‌ নাঙান্‌ দিলো যিহোবা নিঃষি (যিয়েনর্ ভেদ্‌তান্ “লগেপ্রভুই মর্‌ বাবতা”)।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিশাইয় 19:23

সেদিন্যে মিসরত্তুন্ ধুরি আসিরিয়া সং এক্কান রাজপথ অবঅ। আসিরিয়গুনে মিসরত্ আর মিসরীয়গুনে আসিরিয়াত এজানা-যানা গুরিবাক্। মিসরীয় আর আসিরিয়গুনে এক সমারে উবোসনা গুরিবাক্।

যিশাইয় 26:1

সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 40:4

বেক্ কলক্কানি ভরা অবঅ, মুড়ো-মুড়িগুন্ সং গরা অবঅ, মুড়োমুড়ি জাগায়ানি সং গরা অবঅ, আর্ সং নেইয়্যে ভূইয়ানি সং গরা অবঅ।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 49:11

মর্ বেক মুড়োগুনোরে মুই পথ বানেম; মঅ পথ্‌তানি বানা অবঅ।

যিশাইয় 49:22

প্রভু লগেপ্রভু কোইয়্যেদে, “চঅ, মুই আঢ ইজিরেলোই অন্য জাদ্‌‍‌তুনোরে ডাগিম আর মর্ বাবতাগান তারারে দেগেম্। সেনত্তে তারা করত্ গুরিনে তমা পুয়োগুনোরে আনিবাক্ আর কানাত্ গুরিনে তমা ঝিগুনোরে বুয়োবাক্।‌

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিশাইয় 60:11

তঅ গেট্‌তুন নিত্য খুলো থেবঅ,‌‌‌ দিনে-রেদে কনদিন্অ সিগুন বন্ধ ন-থেবাক্ যেন জাদ্‌তুনোর ধন-সোম্বোত্তিগানি মান‌্‌জ্যে তইদু আনি পারন্;‌‌‌ তারার রাজাগুনোরেয়ো আনা অবঅ।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

যিরমিয় 4:6

সিয়োনত্ যেবার পথ্‌তান দেগেবাত্তে চিহ্নো থিদেবর্ গরঅ। দিরি ন-গুরিনে গমেডালে থেবাত্তে ধেই যঅ, কিত্তে মুই উত্তোরেত্তুন দজা আর দর্‌গরেপারা ভস্ত গরানাগানরে আনিবাত্তে যাঙর্।‍‍‍‍‍

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

মথি লেখ্যে গম্ হবর্ 22:9

ইক্কিনে তুমি দাঙর্ পধত্ যঅ, আর যেদক্ জনর্ দেগা পঅ বেক্কুনোরে মেলার্ হানাত্ ডাগি আনঅ।

ইব্রীয় 12:13

তমার্ আঢিবার পথ্‌তানি উজু গরঅ, যেন লেং মান্‌জ্যর অবস্থা আরঅ বেশ্ ন-অয়, বরং তে গম্ ওই উদে।