যিশাইয় 62:1 - Chakma Bible

¹ মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিশাইয় 62:1 ပူးပေါင်းရင်းမြစ်များ

গীতসংহিতা 137:6

যুনি মুই তরে ইদোত্ ন-রাগাং, যুনি যিরূশালেমরে মুই বেগত্তুন্ বেশ্ রঙ্গ-ফুত্তির জিনিস বিলিনে মনে ন-গরং, তো মঅ জিলানে যেন মঅ তাগারাত্ বাজে।

গীতসংহিতা 51:18

তর্ মংগলর্ আওজ্‌সোই তুই সিয়োনরে ভালেদি গর্; তুই যিরূশালেমর দেবালান তুলিবার কামান চালেই যাহ্।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 48:18

তুমি যুনি বানা মঅ উগুমো উগুরে মনান্ দিদে সালে তমার শান্দি অদঅ গাঙ ধোক্ক্যেন আর তমা সততাগানি অদঅ সাগর তুবোল ধোক্ক্যেন।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 58:8

সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিশাইয় 60:2

চঅ, পিত্‌থিমীগান আন্ধারে নাঢা যেইয়্যে ‌‌ আর জাদ্‌তুনো উগুরে এচ্চ্যে ঘুর্‌‌‌‌গুজ্যে আন্ধার, ‌ মাত্তর্ লগেপ্রভু তঅ উগুরে পহ্‌‌‌র দিবো আর তার মহিমাগান তঅ উগুরে ফগদাং অবঅ।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

সখরিয় 2:12

সুদ্ধো-সাংগ দেজত্ তার সোম্বোত্তি ইজেবে লগেপ্রভু যিহূদা দেজ্‌‌‌চান গজক্ গুরিবো আর যিরূশালেমানরে আরঅ বেঈ নেযেব।

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

লূকে লেখ্যে গম্ হবর্ 10:2

তে শিচ্চ্যগুনোরে কলঅ, ঘেচ্চেক্‌গুরি খেত্-খেত্তি সয়সাগোজ্যে, মাত্তর্ কাম গুরিবার্ মানুচ্ কম্। ইয়েনত্তে খেত্-খেত্তি গিরোজ ইধু কোজোলী গরঅ যেন তে তার্ খেত্-খেত্তিগানি কাবিবাত্তে মানুচ্ পাধেই দে।

২ থিষলনীকীয় 3:1

শেজদি কং ভেই-বোনলগ্, আমাত্যে তবনা গরঅ যেন প্রভুর কধানি তমা ইধু যেবাবোত্যেগুরি যাদিমাদি ছিদি পোজ্জ্যে সেবাবোত্যেগুরি সিয়েনি ছিদি পড়ানাত্ আর বাঈনী পানাত্ থায়।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।