যিশাইয় 61:3 - Chakma Bible

³ যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 61:3 ပူးပေါင်းရင်းမြစ်များ

ইষ্টের 8:15

মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

গীতসংহিতা 149:4

কিত্তে লগেপ্রভু তা মানুচ্চুন্দোই হুজি অয়; তে নম্র মানুচ্চুনোরে উদ্ধোর্ গুরিনে সর্মান গরে।

গীতসংহিতা 23:5

শত্রুগুনো ভিদিরেত্তুন তুই মর্ মুজুঙোত্ হানা সাজেয়্যে টেবিলান্ রাগাচ্; মঅ মাঢাবোত্ তেল্ দে; মঅ গলচ্চো উগুরি পড়ের্।

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

গীতসংহিতা 30:12

যেনে মঅ মনান্ অলর্ গুরি ন-থায় বরং তঅ নাঙে গান গুরিবো। ও লগেপ্রভু, মর্ গোজেন, মুই জিংকানিবর্ তরে ভালেদি জানেম।

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

উপদেশক 9:8

নিত্য ধুব্ কাবড় উরিনে আর মাঢাত্ তেল্ দিইনে রঙ্গ-ফুত্তি গুরিবে।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

যিহিষ্কেল 34:29

মুই তারারে বোল্‌‌‌‌বোল্যে ভূই দিম; দেজ ভিদিরে তারা আর ভাদরাদত্ ন-পড়িবাক্ বা অন্য জাদ ইধু অসর্মান ন-অবাক্।

যিহিষ্কেল 47:7

সিয়েনত্ লুমিনে মুই গাঙর্ দ্বিকিত্তেদি বোউত্ গাজপালা দেগিলুং।

সখরিয় 3:5

সেক্কে মুই কলুং, “তা মাঢাবোত্ এক্কান সাব্‌গোজ্যে খবং দিয়্যে ওক্।” সেনত্তে সেই দূত্‌তুনে তা মাঢাবোত্ এক্কান সাব্‌গোজ্য খবং দিলো আর তারে কাবড় উরেল। সেক্কেয়ো লগেপ্রভুর দূত্‌‌‌‌‌তো তারা কায়কুরে থিয়্যেই এলঅ।‌‌

মথি লেখ্যে গম্ হবর্ 15:13

জোবত্ তে কলঅ, “যে চারাবো মর্ স্বর্গর্ বাপ্পো ন-লাগায় সিগুন বেক্কুন্ উগুরে ফেলা অবঅ। তারা কধা বাদ্ দুয়ো।

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

যোহন 15:8

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

ইব্রীয় 1:9

তুই ন্যায়ানরে কোচ্‌পেইয়োচ অার অন্যেয়ানরে ঈচ্ গরচ্; সেনত্যে গোজেন, তর্ গোজেন, তঅ সমাজ্জ্যেগুনোত্তুন্ বোউত্ বেশ্ হুজি তেল ধোক্ক্যেন গুরি তঅ উগুরে ঢালি দিয়্যে।”

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।