যিশাইয় 60:16 - Chakma Bible

¹⁶ মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিশাইয় 60:16 ပူးပေါင်းရင်းမြစ်များ

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 19:20

ইয়েনি অবঅ মিসর দেজত্ বেগত্তুন্ খেমতাবলা লগেপ্রভুর নাঙে এক্কান চিহ্নো আর সাক্ষি। তারার্ অত্যেচার গুরিয়্যেগুনোর্ কারনে তারা যেক্কে লগেপ্রভু ইদু কানিবাক্ সেক্কে তে তারা ইদু এক্কো উদ্ধোর্ গুরিয়্যে আর রোক্ষ্যেগুরিয়্যে পাধেই দিবো আর তে তারারে উদ্ধোর্ গুরিবো।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 29:24

যিগুনে গমেডালে বুঝি ন-পারন্ তারা গমেডালে বুঝি পারিবাক্, আর যিগুনে অখুজিগান্ ফগদাং গরন্ তারা শিক্ষ্যে লবাক্।”

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 45:15

ও ইস্রায়েলর গোজেন আর উদ্ধোরগুরিয়্যেবো, সত্যিই তুই এমন গোজেন যিবে নিজোরে লুগেই থয়।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 52:6

সেনত্তে মঅ মানুচ্চুনে হবর্ পেবাক্ মুই কন্না; সেদিন্যে তারা হবর্ পেবাক্, মুয়ই কধা কোইয়োং; অয়, মুয়ই কোইয়োং।”

যিশাইয় 59:20

লগেপ্রভু কোইয়্যেদে, “যাকোবর্ যিগুনে পাপত্তুন মনানি ফিরেয়োন তারাত্তে উদ্ধোর গুরিয়্যেবো সিয়োনত্ এবঅ।

যিশাইয় 60:17

মুই তত্তে আনিম পিদোল বদলে সোনা আর লুয়োর্ বদলে রূবো। তক্তার্ বদলে মুই তত্তে আনিম পিদোল আর পাত্তর বদলে লুয়ো। মুই ভালেদিগানরে গুরিম তর্ শাজন্‌ গুরিয়্যে আর সততাগানরে গুরিম তমার নেতা।

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যিশাইয় 63:16

ও লগেপ্রভু, তুই দঅ আমা বাপ্। যুনিয়ো অব্রাহামে আমারে হবর্ ন-পায় বা যাকোবে আমারে স্বিগের্ ন-গরে, তো তুয়ই আমা বাপ্; তুই উমরর্ উদ্ধোর্ গুরিয়্যে-ইয়েনই তর্ নাঙান।

যিশাইয় 63:8

তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিরমিয় 15:21

মুই তরে পাজিগুনোর আঢত্তুন রোক্ষ্যে গুরিম আর চিৎকলিজে নেইয়্যেগুনোর মুদোত্তুন উদ্ধোর্ গুরিম।”

যিহিষ্কেল 34:30

সেক্কে তারা হবর্ পেবাক্, মুই তারার গোজেন লগেপ্রভু তারা লগে লগে আগং আর তারা, অত্তাৎ ইস্রায়েলীয়গুনে মর্ মানুচ্।

ফগদাং পেইয়্যে 21:24

আর বেক্‌ জাদ্‌তুনে সেই পহ্‌রত্ আঢাউদো গুরিবাক্। পিত্‌থিমীর রাজাগুনে তারার্ সয়সাগোজ্জ্যেলোই সেই শঅরত্ এবাক।

ফগদাং পেইয়্যে 21:26

বেক্‌ জাদ্‌তুনোর বাঈনী আর সর্মান সিয়েনত্ আনা অবঅ।