যিশাইয় 60:13 - Chakma Bible

¹³ লেবাননর্ বাঈনী গরানাগান তইদু এবঅ; মর্ সুদ্ধো-সাংগ জাগায়ান সাজেবাত্তে এবাক্ বেরস, ঝাউ আর তাশূর গাজ্‌চুন;‌‌‌‌‌‌ মর্ টেঙ্ রাগেবার জাগায়ানরে মুই বাঈনী গুরিম।

যিশাইয় 60:13 ပူးပေါင်းရင်းမြစ်များ

১ বংশধর 28:2

পরেন্দি রাজা দায়ূদে থিয়্যেইনে তারারে কলঅ, মর্‌ ভেইয়ূন আর মর্‌ মানুচ্চুন্‌, মঅ কধাগান্‌ গমেডালে শুনো। লগেপ্রভুর সুদোম-সুন্দুক্কোত্তে, অত্তাৎ আমা গোজেন টেঙ্‌ থবার্‌ জাগানত্তে এক্কান্‌ থিদেবর্ গোজ্যে ঘর্‌ বানেবার্‌ আওজ্ মঅ মনত্‌ এলঅ, আর মুই সিয়েন্‌ বানেবার্‌ যুক্কোলঅ গোজ্যং।

২ বংশধর 2:15

“সেনত্তে মর্‌ প্রভু তুই যেধোক্ক্যেন কোইয়োচ্‌ সেধোক্ক্যেন্‌ গুরিনে গম্, মোক্ক্যে, জলপাইয় তেল্‌ আর আংগুর-রস আমা ইদু পাধেই দিবে।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

গীতসংহিতা 132:7

আদঅ, আমি তাহ্ থেবার জাগানত্ যেই, তার্ টেঙ্-থইদ্যে জাগানত্ মাঢা নিগিরিনে উবোসনা গুরিই।

গীতসংহিতা 96:6

তারেই ঘিরি আগেদে বাঈনী আর মহিমাগানে; তার সুদ্ধো-সাংগ ঘরানত্ আগেদে খেমতা আর দোল।

গীতসংহিতা 99:5

আমা গোজেন লগেপ্রভুর বাঈনী গর; তা টেঙ্ থইদ্যে মুজুঙোত্ মাদা নিগিরিনে তারে জু জু জান; তে পবিত্র।

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 60:7

কেদরর ভেড়া পালুন্ তঅ মুজুঙোত্ তুবেবাক্, নবায়োতর ভেড়াগুন তঅ কামত্ লাগিবাক্; মঅ পূজোবো উগুরে উৎসর্ব ইজেবে মুই সিগুন গুজি লোম্, আর মর্ বাঈনী গরেদে ঘরানি মুই আরঅ বাঈনী গরে পারা গুরিম।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিহিষ্কেল 47:7

সিয়েনত্ লুমিনে মুই গাঙর্ দ্বিকিত্তেদি বোউত্ গাজপালা দেগিলুং।